စိတ်ဝမ်းမကွဲလက်တွဲကြစို့ (အရှင်တိလောကာဘိဝံသ) အင်းစိန်။

စိတ်ဝမ်းမကွဲလက်တွဲကြစို့

ညီညီညာညာ စီတန်းထားသောအရာသည် ကြည့်လို့ကောင်းသည်။ ကြည်နူးဖွယ်ရာအမြင်လှသည်။ မညီမညာ ဖြစ်နေပါက အမြင်မလှ၊ စိတ်ရှုတ်စရာဖြစ်သည်။ ဘယ်အရာမဆို ညီညွတ်မှ အောင်မြင်မှု ပြည့်စုံမှု-စသည့် သုခအဖုံဖုံ ရရှိခံစားရမည်ဖြစ်ပါသည်။ ချည်မျှင်လေးများသည်ပင် စုပေါင်းကျစ်လိုက်သောအခါ အင်အားကြီးမား သည့် ဆင်ကြီးကိုပင် မလွတ်အောင် ခိုင်ခိုင်မြဲမြဲချည်နှောင်ထားနိုင်သည်။ ဒါကိုပင် ညီညွတ်မှုသည် အောင်မြင် ကြောင်းဟု မြတ်ဗုဒ္ဓဟောကြားထားသည်။ (သုခါ သဃဿ၊ သာမဂ္ဂီ၊ သမဂ္ဂါနံ တပေါ သုခေါ၊ ဓမ္မပဒ ၄၂)

ရှေးအခါက အဘိုးအိုတစ်ယောက်သည် သားသမီးများကိုခေါ်ကာ ထင်းစည်းကိုပေး၍ တစ်ယောက်စီ အစည်း လိုက်ကျိုးအောင် ချိုးခိုင်းသည်။ မည်သူမျှ ကျိုးအောင်မချိုးနိုင်ကြ။ ထင်းစည်းပြည်၍ တစ်ချောင်းစီချိုးခိုင်းသော အခါ လူတိုင်းထင်းချောင်းလေးများကို အလွယ်တကူချိုးနိုင်သွားကြသည်။ ဤသင်ခန်းစာယူ၍ အချင်းချင်းကွဲ ပြားနေလျှင် သူများအလွယ်တကူ ချိုးနှိပ်ခံရမည်။ အနိုင်ကျင့်ခံရမည်။ စုပေါင်းညီညွတ်နေလျှင် မည်သူကမျှ မိမိကိုမလွှမ်းမိုး မစော်ကားနိုင်။ ဤပုံပြင်ကလေးကား မြန်မာရှေးရိုးစဉ်လာ ညီညွတ်ခြင်းသည် အောင်မြင် ကြောင်း နမူနာယူစရာ ပုံပြင်ကလေးဖြစ်ခဲ့သည်။ ရှေးမြန်မာများသည် ဤနမူနာအတိုင်း လိုက်နာကျင့်သုံးခဲ့ခြင်း ကြောင့် အရှေ့တောင်အာရှတလွှား မြန်မာများတန်ခိုးထွားခဲ့သည်။ ရှေးစာတန်းလေးတစ်ခုကိုလည်း ဖော်ပြလိုပါ သည်။

ဇွန်ပန်းရုံအနီး၊ လှည်းဘီးနွံထဲ ကျွံနေသည်။

လေးလွန်း၍ မတွန်းနိုင်ဘူးလား။

ပြိုင်တူတွန်းလျှင် ရွေ့နိုင်ပါသည်။ (ရှေး)

ယနေ့ပြည်ထောင်စုမြန်မာနိုင်ငံတော်ကြီး အဘက်ဘက်က ကြီးပွားတိုးတက် ပြည့်စုံကုံလုံသည့် သုခဘုံကြီးဖြစ် အောင် တည်ဆောက်လိုလျှင် ညီညွတ်ကြရမည်။ အမြင်အယူအဆများ ယူထားသည့်တာဝန်များ နေရာဋ္ဌာန များ အမျိုးမျိုးအဖုံဖုံ ကွဲပြားနိုင်သော်လည်း တိုင်းပြည်နှင့်လူမျိုးအတွက် ကောင်းစေလိုသော စေတနာများမှာ တော့ တူညီကြမည်ဖြစ်ပါလိမ့်မည်။ မတူတာတွေအသာထား တူတာတွေစုပေါင်း၍ လုပ်ကြဖို့အချိန်တန်နေပြီ။ သူတစ်မျိုးငါတစ်ဖုံ၊ ငြင်းခုံတိုက်ခိုက် ကွဲပြားနေလျှင် “နွားကွဲလျှင် ကျားဆွဲခံရမည်၊ မျက်ဖြူဆိုက်လေ ဆရာ ကြိုက်လေဖြစ်သွားမည်။ ကိုယ့်တိုင်းပြည် ကိုယ်ဖျက်သလို ဖြစ်သွားမည်ကို သတိကြီးကြီးထားကြရမည်။

          နိုင်ငံရေးခရီး၊ အုပ်ချုပ်ရေးခရီး၊ စီးပွားရေး၊ ပညာရေး၊ အမျိုးသားရေး- စသည် စွမ်းနိုင်ရာက ကိုယ့်ဦး တည်ချက်ဖြင့် ကိုယ့်ပန်းတိုင် ကိုယ်သွားနေကြသည်မှာ ၀မ်းသာစရာပင်ဖြစ်သည်။ ကိုယ်ခိုင်းသလိုမလုပ်သူ၊ ကိုယ်နှင့်မပူးပေါင်းသူ၊ ကိုယ့်နောက်ကမလိုက်သူများကို ရန်သူဟုသဘောမထားသင့်ပါ။ ကိုယ့်လမ်းကိုယ် လျှောက်ဖို့တော့ လိုအပ်ပါသည်။ သူများကို မနင်းသင့်၊ ခလုတ်မတိုက်သင့်ပါ။ ကိုယ့်စွမ်းနိုင်သည့် သင့်လျော် သည့်လမ်းမှ အသီးသီးသွားနေကြသော်လည်း တိုင်းပြည်နှင့် လူမျိုး ဘာသာ သာသနာအတွက် ဦးတည်ချက် များကား တူရမည်ဖြစ်ပါသည်။

          ရွှေတိဂုံဘုရားသို့သွားကြရာဝယ် ကိုယ်နှင့်အသင့်တော်ဆုံးလမ်းမှ သွားနေကြသော်လည်း ရွှေတိဂုံ ဘုရားပန်းတိုင်များကား တူညီကြသည်သာဖြစ်ပါသည်။ ရွှေတိဂုံရောက်ဖို့သာ အရေးကြီးပါသည်။

          ယနေ့မြန်မာ့တိုင်းရင်းသား အတော်များများသည်-

          ၁။ အသိပညာဗဟုသုတ ပြည့်ဝမှုစွမ်းရည် ဉာဏဗလ၊

         ၂။ ကိုယ်ခန္ဓာ ကျန်းမာသန်စွမ်းမှုစွမ်းရည် ကာယဗလ၊

         ၃။ ရှောင်ကြဉ်စရာ, လိုက်နာကျင့်သုံးစရာ ကိုယ်ကျင့်သီလ ပြည့်စုံမှုစွမ်းရည် စာရိတ္တဗလ၊

          ၄။ ကောင်းကျိုးရအောင် လမ်းညွှန်ပဲ့ကိုင် ကူညီနိုင်သော မိတ်ကောင်းဆွေကောင်း ပြည့်စုံမှုစွမ်းရည် မိတ္တဗလ၊        

          ၅။ သုံးစွဲစရာ ပစ္စည်းဥစ္စာ ဓနငွေကြေးပြည့်စုံမှုစွမ်းရည် ဘောဂဗလ၊

            ဤသည့်ဗလ ၅-တန် အားလုံးလောက်နီးပါး ပျက်စီးယိုယွင်းနေကြသည်။ ဗလ ၅-တန် ကိုယ်ခံစွမ်းအားမပြည့်စုံဘဲ တိုင်းပြည်ကြီးပွားတိုးတက်အောင် လုပ်နိုင်မည်မဟုတ်ပေ။ ချို့ယွင်းပျက်စီးနေသော ကိုယ်ခံစွမ်းအားများ ဖြည့်တင်းပေးဖို့မှာ အစိုးရမင်းများ၊ နိုင်ငံရေးခေါင်းဆောင်များ၊ ဘာသာရေးခေါင်းဆောင်များ၊ ပညာရှင်များ၊ မီဒီယာနှင့်တကွ စာနယ်ဇင်းများ- စသည်အားလုံးမှာ တာဝန်ရှိသည်။ တာဝန်ရှိသူအားလုံးလိုလို ကိုယ်ကျိုးသာဦးတည်ချက်ထားပြီး အချင်းချင်းငြင်းခုံ၊ တိုက်ခိုက်၊ သူပြုတ်ကိုယ်ပြုတ် ရန်ဖြစ်နေလျှင် မညီမညွတ်ကွဲပြားနေလျှင် ဤမြန်မာနိုင်ငံတော်ကြီး မည်သည့်နည်းနှင့်မျှ တိုးတက်စည်ကား ကြီးပွားမည်မဟုတ်။မညီမညွှတ် အချင်းချင်းခိုက်ရန်ဖြစ်ပွား ကွဲပြားနေခြင်းကြောင့် ပျက်စီးဆုံးရှုံးခဲ့ဖူး သည်များမှာ ဘုရားဟောဒေသနာများနှင့်တကွ ကမ္ဘာ့သမိုင်း၊ မြန်မာ့သမိုင်း ထုံးဟောင်းသက်သေများ အထင် အရှားရှိခဲ့ဖူးသည်။

            အချင်းချင်းရနိုင်သလောက် ညီညီညွတ်ညွတ် စုပေါင်းလက်တွဲကာ လုပ်ကြဖို့လိုနေပေပြီ။ လတ်တလော မဖြစ်နိုင်သေးတာတွေကို အသာထားပြီး ရနိုင်သလောက်စုစည်းလုပ်ဖို့  လိုနေပေပြီ၊ အလှမ်းကျယ် အလယ်လတ် နေတတ်ပါသည်။ ဖြစ်ချင်တာ၊ ဖြစ်သင့်တာ၊ ဖြစ်နိုင်တာ ၃-မျိုးတွင် ဖြစ်ချင်တာကို ဦးစားမပေးဘဲ ဖြစ်သင့်တာများထဲမှ ဖြစ်နိုင်တာကိုအရင်လုပ်၊ ပြီးမှလိုအပ်သည်ကို ဖြည့်စွက်လုပ်ရမည်ကို သတိပြုပါ၊ မဖြစ်နိုင်သေးသည့် စိတ်ကူးယဉ် အိမ်မက်များကို ခေတ္တထားပါ။ မိမိတို့၏ မဘသအဖွဲ့ကြီးသည် လိုအပ်နေသည့် ကွက်လပ်ဖြစ်သော အမျိုးသားရေး၊ ဘာသာရေးများကို စွမ်းနိုင်သလောက် ကူညီဆောင်ရွက်ပေးနေခြင်းသာဖြစ်ပါသည်။ ဘာသာ၊ လူမျိုး၊ ပါတီ-စသည် အခြားမည်သူ့ကိုမျှ တိုက်ခိုက်ရန်၊ ဖျက်ဆီးရန်မရည်ရွယ်ပါ။ မိမိတို့၏ အမျိုး ဘာသာ သာသနာဝင်များ မိမိကိုယ်ကိုမိမိ ကာကွယ်စောင့်ရှောက်ထိန်းသိမ်းနိုင်ရန် တိုက်တွန်းနှိုးဆော်ပေးနေခြင်း၊ ဦးဆောင်ပေးနေခြင်းသာ ဖြစ်သည်။

            မိမိတို့၏ မဘသ အဖွဲ့ဝင်များကလည်း အမြင်မတူသူများ၏ မဟုတ်မမှန် လုပ်ကြံတိုက်ခိုက်ထိုးနှက်မှု လောကဓံ များကို မြတ်ဗုဒ္ဓ နည်းညွှန်သည့် တရားနည်းလမ်းအရ အရှိကိုအရှိအတိုင်း အမှန်ကိုအမှန်အတိုင်း ပြန်လည် တုန့်ပြန်ဖြေရှင်းဖို့တော့ လိုအပ်ပါသည်။ တုန့်ပြန်ရန်မလိုသည်များကိုတော့ သူတော်ကောင်းစိတ်ဓာတ်ဖြင့် သည်းခံ ခွင့်လွတ်ပေးကြပါ။ မဘသအဖွဲ့ဝင်ဖြစ်စေ၊ အခြားသူဖြစ်စေ မတရားပြစ်မှုများ ကျူးလွန်ပါက ကိုယ့်အပြစ်ကိုယ်ခံ ရမည်သာ ဖြစ်သည်။ မဘသအဖွဲ့ဝင်ဖြစ်စေ၊ မည်သည့်အဖွဲ့ဖြစ်စေ၊ တစ်ဦးတစ်ယောက်ဖြစ်စေ မတရား မှုပြုလုပ်ပါက တရား ဥပဒေအတိုင်း ဆုံးဖြတ်ခံရမည်သာဖြစ်သည်။

            ဒါကြောင့်မို့ သူ့အပြစ်ပြော၊ ကိုယ့်အပြစ်ပြော မနေကြတော့ဘဲ အရေးကြီးပြီမို့ သွေးနည်းကြစို့၊ စုပေါင်း လက်တွဲကြစို့၊ တွဲလက်တွေခိုင်မြဲစို့ ဟုတိုက်တွန်းရင်း စိတ်ဝမ်းမကွဲ လက်တွဲကြစို့ ဆောင်းပါးကို အဆုံးသတ်အပ်ပါ သတည်း။

ပြာသိုလပြည့်ကျော် ၄ ရက်၊ ၁၃၇၆-ခု၊

(ဇန်န၀ါရီလ- ၈၊ ၂၀၁၅)၊ ကြာသပတေးနေ့။

အရှင်တိလောကာဘိဝံသ(အင်းစိန်)

ရွာမပရိယတ္တိစာသင်တိုက်၊ အင်းစိန်မြို့။