ဝါကျွတ်ပြီမို့ ပြောင်းကြစို့
မြတ်ဗုဒ္ဓသားတော် ရဟန်းသံဃာတော်များ ဤကျောင်းတိုက်မှာ ၀ါတွင်း(၃)လနေပါမည်ဟု နှုတ်ဖြင့်ရွတ်ဆိုခြင်းကြောင့် ၀ါဆိုခြင်းဟု ဝေါဟာရ ဖြစ်လာသည်။ ပါဠိလိုဝါသ မြန်မာလို နေခြင်း၊ ၀ါသမှ ၀ါနှင့် ဆိုခြင်းမှ ဆိုကိုယူ၍ ၀ါဆိုဟု ခေါ်ခြင်းဖြစ်သည်။ ၀ါဆိုလပြည့်ကျော် ၁-ရက်နေ့မှ သီတင်း ကျွတ်လပြည့်အထိ ၃-လကို ၀ါတွင်းကာလဟု မှတ်ရမည်။ သီတင်းကျွတ်လပြည့်ကျော် ၁-ရက်နေ့မှစ၍ ၀ါလကင်းလွတ် သီတင်းကျွတ်ဟု ဆိုသည်။ ဤအချိန်သည် အပြောင်းအလဲကာလ ဖြစ်သည်။ မိုးမှ ဆောင်းသို့ပြောင်းခြင်း၊ မိုးလေ၀သ အုံ့မှိုင်းကာလမှ ပွင့်လင်းရာသီသို့ ပြောင်းခြင်း၊ စွတ်စိုကာလမှ ခြောက်သွေ့ကာလသို့ပြောင်းခြင်း စသည်ဖြင့် အပြောင်း အလဲပေါင်းများစွာရှိသည်။
အချိန်သည် လူကိုမစောင့် ဆိုသည့်အတိုင်း အချိန်သည် မည်သူ့မျက်နှာမှ ငဲ့ညှာထောက်ထားပြီး စောင့်နေမည်မဟုတ်။ အချိန်ကျလျှင် ပြောင်း သွားမည်သာဖြစ်သည်။ ခေတ်ကာလအချိန်အခါ ပြောင်းသွားသောအခါ အခြေအနေအရပ်ရပ်လည်း ပြောင်းသွားမည်သာဖြစ်သည်။ အဟောင်းအဟောင်း တို့သည် အသစ်အသစ် ပြောင်းကြမည်သာဖြစ်သည်။ ပြောင်းသောအခါ အဆိုးဘက်ပြောင်းလျှင် အရှုံးပေါ်မည်။ အကောင်းဘက်ပြောင်းမှ အမြတ် ထွက်မည်။ အရာရာတိုင်းမှာ လူသာပဓာန ဖြစ်သည်။ လူက ပိုင်စိုးသည်။ ကောင်းအောင်လည်း လူကလုပ်နိုင်သည်။ မကောင်းအောင်လည်း လူကပင်လုပ် သည်။ လူတော်လူကောင်း နည်းပါးပြီး လူဖျင်း လူညံ့ လူဆိုးများ ပေါများသည့် အချိန်အခါနေရာဒေသကို ရည်ရွယ်၍ ကလိယုဂ်ဆုပ်ကပ် ဟုဆိုသည်။ တစ်ချို့က ကလိယုဂ်ဆုတ်ကပ်ဖြစ်၍ အဆိုးဘက်သာပြောင်းမှာပဲဟု ခေတ်ကာလအပေါ်မှာ အပြစ်ပုံချနေကြသည်။ ထိုအဆိုသည် လူဖျင်းလူညံ့များ၏ အဆိုသာဖြစ်သည်။
လူသာပဓာန ဆိုသည့်အတိုင်း လူကမလုပ်နိုင်သော အရာဟူ၍မရှိ၊ လူဖျင်းလူညံ့ကတော့ ဘာတစ်ခုမှ စွမ်းဆောင်နိုင်မည်မဟုတ်။ ကိုယ်ကျိုး ရှာသမားလည်း သူ့အတွက်သာလုပ်ရင်း ပတ်ဝန်းကျင်ဒုက္ခရောက်သောအခါ သူပါရောပြီး ဒုက္ခရောက်သွားရရှာသည်။ ဘုရားအလောင်းတော်တို့သည်- ငါဟာ ဒုက္ခမှလွှတ်မြောက်အောင်၊ စွမ်းနိုင်သူဖြစ်လျက်၊ ငါ့အတွက်သာမကြည့်သင့်၊ အားလုံး ဒုက္ခမှ လွှတ်မြောက်အောင် ကယ်တင်မည်။ (ဗုဒ္ဓ၀ံသ) ဟုဆုံးဖြတ်ကာ မရမနေ ကြိုးစားကြသည်။ ထို့ကြောင်း မိမိအပါအ၀င် ကျွတ်ထိုက်သူ သတ္တ၀ါအားလုံး ဒုက္ခမှ လွှတ်မြောက်ရသည်။ ယင်းသည်ထုံးစံကို စံနမှုနာယူရမည်။ စွမ်းရည်ပြည့်ဝသော အာဇာနည်လူသားသည် ဘာမဆိုမလုပ်နိုင်သည့် အရာဟူ၍မရှိ။
ကလိယုဂ်ဆုပ်ကပ် ဟုပြောနေကြသော ယနေ့မျက်မှောက်ကမ္ဘာ လောကကြီးမှာပင်- အချို့သောနိုင်ငံများသည် ကြီးပွားတိုးတက်ကြသည်။ အချို့နိုင်ငံများကတော့ ဆင်းရဲမွဲတေကာ ငရဲဘုံတမျှ အစာဆင်းရဲ၊ အနေဆင်းရဲ၊ ဒုက္ခခံစား နေကြရရှာသည်။
ဒါကိုကြည့်ခြင်းအားဖြင့် ခေတ်ကြောင့်လော လူကြောင့်လောဆိုသည်ကို ဆုံးဖြတ်နိုင်ပါလိမ့်မည်။ အချိန်သည် သူ့ဟာသူ ပြောင်းလဲနေမည် သာဖြစ်သည်။ ထိုပြောင်းလဲမှုကို အရှုံးနှင့်ပြောင်းလဲမည်လော၊ အမြတ်နှင့်ပြောင်းလဲမည်လောဟု ဆုံးဖြတ်ရမှာက လူသားများသာ ဖြစ်သည်။ ဇာတ်တော် ၌- လူဖျင်း လူညံ့များကို အချိန်က၀ါးမျိုသွားသည်။ လူစွမ်းကောင်းကတော့ အချိန်ကို အနိုင်ယူဝါးမျိုလိုက်သည်။ (ဇာ၊ ၁၊ ၆၈) (အဆိုပါဇာတ်တော်စကားကို အဋ္ဌကထာဆရာက အချိန်ကာလ၀ါးမျိုနိုင်သူအရ ရဟန္တာကို ရည်ရွယ်၍ ဖွင့်ခြင်းသည် ဥက္ကဋ္ဌနိဒ္ဒေသ နည်းဖြင့် ဖွင့်ပြခြင်းဖြစ်သည်။
အချိန်ကို အလဟဿမဖြစ်စေဘဲ စနစ်တကျ ကောင်းကျိုးရအောင် အသုံးချနိုင်သူမှန်သမျှ အနိုင်ရနေမည်သာဖြစ်သည်။ (သဗ္ဗတ္ထပရာဇီတာ၊ မင်္ဂလသုတ်)၊ ယနေ့ကမ္ဘာမှာ ကြီးပွားတိုးတက်နေသော ပုဂ္ဂိုလ်များ နိုင်ငံများတိုင်းသည် အချိန်ကိုအနိုင်ရအောင် လူတော်လူကောင်းများ ဦးဆောင်ခဲ့ခြင်း ကြောင့်ဖြစ်သည်။
ယခု ၀ါလကင်းလွတ် သီတင်းကျွတ်ပြီမို့ မြန်မာနိုင်ငံ၌ လလိုအပ်တာတွေပြောင်းလဲဖို့ မလွဲမသွေ အချိန်တန်နေပြီ။ “နိုင်ငံရေး လုပ်တယ်ဆိုတာ ရန်သူကို မိတ်ဆွေဖြစ်အောင်လုပ်တာ”ဟု ဆရာကြီး ဒဂုန်တာရာပြောခဲ့သလို မြန်မာနိုင်ငံ၌ တာဝန်ရှိသူအချင်းချင်း တစ်ဦးနှင့်တစ်ဦး အပြစ်ဖို့ရန်ဖြစ် နေမည့်အစား သဘောထားကြီးစွာဖြင့် ရန်သူကို မိတ်ဆွေအဖြစ် လက်တွဲနိုင်အောင် ယုံကြည်မှုတည်ဆောက်ပေးကြဖို့ နားလည်ပေးကြဖို့ ပထမဆုံး ကြိုးစားရမည် ဖြစ်ပါသည်။ တစ်ဖက်နှင့် တစ်ဖက်မလျှော့လျှင်တော့ ပြတ်သွားမည်။ ပျက်သွားမည်။ ဆုံးရှုံးသွားမည်။ နိုင်ငံအတွက် လုပ်တာမှန်သမျှ နိုင်ငံ ရေးပင်ဖြစ်သည်၊ လုပ်သူမှန်သမျှလည်း နိုင်ငံရေးသမားများပင် ဖြစ်သည်ဆိုသည်ကို ဘယ်သူငြင်းနိုင်မလဲ. ရဟန် ရှင်လူ မည်သူမဆို မိမိ နိုင်ငံ၏အရေးကို သိထားရမည်။ စွမ်းနိုင်ရာက ပါဝင်ရမည်။ နိုင်ငံသားဖြစ်ပါလျက် နိုင်ငံ၏အရေးကို ကိုယ်နှင့်မဆိုင်သလိုနေလျှင် တာဝန်မဲ့သူသာဖြစ်သည်။ တာဝန်ရှိသူ တာဝန်မဲ့လျှင် ကားဒရိုင်ဘာ တာဝန်မဲ့ရာ၌ ကားတစ်စီးလုံးဒုက္ခရောက်ရသကဲ့သို့ ဖြစ်မည်။ ဒီမိုကရေစီသဘောအရ သူ့အမြင်ကိုယ့်အမြင် ကွဲပြားခွင့်ရှိ သော်လည်း ဦးတည်ချက်မှာ မြန်မာနိုင်ငံ၏ တိုင်းပြည်နှင့်လူမျိုး ကောင်းစားရေး ဦးတည်ချက်ကိုတော့ လုံးဝမမေ့သင့်ပေ။ တိုင်းပြည်နှင့်လူမျိုးအတွက် ကောင်းစားဖို့ လုပ်ရာမှာ-
၁။ လုပ်ချင်တာ ၂။ လုပ်သင့်တာ ၃။ လုပ်နိုင်တာ
၃-မျိုးတွင် လုပ်ချင်တာထက် လုပ်သင့်တာကို ဦးစားပေးရမည်။ လုပ်သင့်တာတွေထဲမှာလည်း လုပ်နိုင်သလောက်ကိုသာ ပထမ ဦးစားပေးရ မည်။ နောင် အသားကျသွားသောအခါ လုပ်သင့်တာတွေ ဆက်လက်လုပ်သွားရမှာသာ ဖြစ်သည်။ ကိုယ်လုပ်ချင်တာ တစ်ခုတည်းကို စွဲကိုင်ထားလျှင် ဒီမိုကရေစီဆိုသော်လည်း ဒမိုကရေစီမဖြစ်နိုင်ပါ။ အချိန်ကာလတစ်ခုကိုတော့ စိတ်ရှည်ရှည်ထားပြီး စောင့်ရမှာဖြစ်သည်။ ““ခုအပင်စိုက် ခုအသီးစားလို့မရ” ဆိုတဲ့သဘောကို မမေ့သင့်ပေ။ ယနေ့ မြန်မာနိုင်ငံ၌ လိုအပ်ချက်တွေ၊ ပြင်သင့်တာတွေ၊ ပြောင်းသင့်တာတွေကို မြန်မာနိုင်ငံသားများပင် ပြောင်းရမည် ဖြစ်သည်။ သူများအားကိုးနေ၍ ရမည်မဟုတ်။ ကိုယ့်လိုအပ်ချက်ပြင်ဖို့ဆိုတာ ကိုယ်ကိုယ်တိုင်သာ ပြင်ရမည်ဖြစ်သည်။ ဤအကြောင်းကို ဆရာကြီးဇော်ဂျီ က မင့်အိမ် ကဗျာဖြင့် လမ်းညွှန်ခဲ့သည်။
“မကောင်း မင့်အိမ်၊ ကောင်း မင့်အိမ်တည်။
မင်းအိမ် ရွှဲစို၊ အမိုးယိုသော်၊
မငြိုသင့်ပါ၊ မင်း တက်ဖာပေါ့၊
အကာ အခင်း၊ ပျက်ပြိုယွင်းသော်၊
မငြင်းစေချင်၊ မင်းဆက်ပြင်ပေါ့၊
အခွင်အနဲ့ အရွဲ့အစောင်း၊
မကောင်း မပြေ၊ ဟောင်းထွေထွေကို၊
အခြေနှင့် မျှ၊ ဥာဏ်ဖြင့်ဆ၍၊
လုံးလသက်သွင်း သစ်စေမင်း။”
ပြင်သင့်တာ မပြင်၊ ပြောင်းသင့်တာ မပြောင်းရင်တော့ ဘာမှဖြစ်လာမည်မဟုတ်။ “ပျက် အစဉ်၊ ပြင် ခဏ” ဆိုသည့်အတိုင်း မပြင်ဘဲထားရင် အစဉ်အမြဲ ပျက်နေမည်သာဖြစ်သည်။ ပြင်လိုက်ရင် ခဏချင်းပင် ပြောင်းလဲသွားမည်။ ၀ါလကင်းလွတ် သီတင်းကျွတ် ဆိုသောစကားက ပြင်ဖို့၊ ပြောင်းဖို့ အချိန်တန်ပြီဟု တပ်လှန့်နေသည်ကို တာဝန်ရှိသူတိုင်း သတိမှုသင့်ကြပြီ။ ငါ့စိတ်ကြိုက်သာ ဖြစ်ရမည်ဆိုလျှင် ဒီမိုကရေစီ ပြောနေသော်လည်း ပြောတဲ့သူ ကိုယ်တိုင်က အပြောနှင့်အလုပ် မညီတော့ပါ။ ထို့ကြောင့် ပြင်သင့်တာတွေ၊ ပြောင်းသင့်တာတွေ ပြောင်းဖို့အချိန်တန်နေပြီဟု တိုက်တွန်းရင်း ”၀ါကျွတ်ပြီမို့ ပြောင်းကြစို့” ဆောင်းပါးကို အဆုံးသတ် အပ်ပါသတည်း။
အရှင်တိလောကာဘိဝံသ (အင်းစိန်)
ရွာမပရိယတ္တစာသင်တိုက်၊ အင်းစိန်မြို့။
သီတင်းကျွတ်လပြည့်ကျော် ၁-ရက်၊ ၁၃၇၆-ခု၊
(အောက်တိုဘာ ၉၊ ၂၀၁၄) ကြာသပတေးနေ့။
မြတ်ဗုဒ္ဓသားတော် ရဟန်းသံဃာတော်များ ဤကျောင်းတိုက်မှာ ၀ါတွင်း(၃)လနေပါမည်ဟု နှုတ်ဖြင့်ရွတ်ဆိုခြင်းကြောင့် ၀ါဆိုခြင်းဟု ဝေါဟာရ ဖြစ်လာသည်။ ပါဠိလိုဝါသ မြန်မာလို နေခြင်း၊ ၀ါသမှ ၀ါနှင့် ဆိုခြင်းမှ ဆိုကိုယူ၍ ၀ါဆိုဟု ခေါ်ခြင်းဖြစ်သည်။ ၀ါဆိုလပြည့်ကျော် ၁-ရက်နေ့မှ သီတင်း ကျွတ်လပြည့်အထိ ၃-လကို ၀ါတွင်းကာလဟု မှတ်ရမည်။ သီတင်းကျွတ်လပြည့်ကျော် ၁-ရက်နေ့မှစ၍ ၀ါလကင်းလွတ် သီတင်းကျွတ်ဟု ဆိုသည်။ ဤအချိန်သည် အပြောင်းအလဲကာလ ဖြစ်သည်။ မိုးမှ ဆောင်းသို့ပြောင်းခြင်း၊ မိုးလေ၀သ အုံ့မှိုင်းကာလမှ ပွင့်လင်းရာသီသို့ ပြောင်းခြင်း၊ စွတ်စိုကာလမှ ခြောက်သွေ့ကာလသို့ပြောင်းခြင်း စသည်ဖြင့် အပြောင်း အလဲပေါင်းများစွာရှိသည်။
အချိန်သည် လူကိုမစောင့် ဆိုသည့်အတိုင်း အချိန်သည် မည်သူ့မျက်နှာမှ ငဲ့ညှာထောက်ထားပြီး စောင့်နေမည်မဟုတ်။ အချိန်ကျလျှင် ပြောင်း သွားမည်သာဖြစ်သည်။ ခေတ်ကာလအချိန်အခါ ပြောင်းသွားသောအခါ အခြေအနေအရပ်ရပ်လည်း ပြောင်းသွားမည်သာဖြစ်သည်။ အဟောင်းအဟောင်း တို့သည် အသစ်အသစ် ပြောင်းကြမည်သာဖြစ်သည်။ ပြောင်းသောအခါ အဆိုးဘက်ပြောင်းလျှင် အရှုံးပေါ်မည်။ အကောင်းဘက်ပြောင်းမှ အမြတ် ထွက်မည်။ အရာရာတိုင်းမှာ လူသာပဓာန ဖြစ်သည်။ လူက ပိုင်စိုးသည်။ ကောင်းအောင်လည်း လူကလုပ်နိုင်သည်။ မကောင်းအောင်လည်း လူကပင်လုပ် သည်။ လူတော်လူကောင်း နည်းပါးပြီး လူဖျင်း လူညံ့ လူဆိုးများ ပေါများသည့် အချိန်အခါနေရာဒေသကို ရည်ရွယ်၍ ကလိယုဂ်ဆုပ်ကပ် ဟုဆိုသည်။ တစ်ချို့က ကလိယုဂ်ဆုတ်ကပ်ဖြစ်၍ အဆိုးဘက်သာပြောင်းမှာပဲဟု ခေတ်ကာလအပေါ်မှာ အပြစ်ပုံချနေကြသည်။ ထိုအဆိုသည် လူဖျင်းလူညံ့များ၏ အဆိုသာဖြစ်သည်။
လူသာပဓာန ဆိုသည့်အတိုင်း လူကမလုပ်နိုင်သော အရာဟူ၍မရှိ၊ လူဖျင်းလူညံ့ကတော့ ဘာတစ်ခုမှ စွမ်းဆောင်နိုင်မည်မဟုတ်။ ကိုယ်ကျိုး ရှာသမားလည်း သူ့အတွက်သာလုပ်ရင်း ပတ်ဝန်းကျင်ဒုက္ခရောက်သောအခါ သူပါရောပြီး ဒုက္ခရောက်သွားရရှာသည်။ ဘုရားအလောင်းတော်တို့သည်- ငါဟာ ဒုက္ခမှလွှတ်မြောက်အောင်၊ စွမ်းနိုင်သူဖြစ်လျက်၊ ငါ့အတွက်သာမကြည့်သင့်၊ အားလုံး ဒုက္ခမှ လွှတ်မြောက်အောင် ကယ်တင်မည်။ (ဗုဒ္ဓ၀ံသ) ဟုဆုံးဖြတ်ကာ မရမနေ ကြိုးစားကြသည်။ ထို့ကြောင်း မိမိအပါအ၀င် ကျွတ်ထိုက်သူ သတ္တ၀ါအားလုံး ဒုက္ခမှ လွှတ်မြောက်ရသည်။ ယင်းသည်ထုံးစံကို စံနမှုနာယူရမည်။ စွမ်းရည်ပြည့်ဝသော အာဇာနည်လူသားသည် ဘာမဆိုမလုပ်နိုင်သည့် အရာဟူ၍မရှိ။
ကလိယုဂ်ဆုပ်ကပ် ဟုပြောနေကြသော ယနေ့မျက်မှောက်ကမ္ဘာ လောကကြီးမှာပင်- အချို့သောနိုင်ငံများသည် ကြီးပွားတိုးတက်ကြသည်။ အချို့နိုင်ငံများကတော့ ဆင်းရဲမွဲတေကာ ငရဲဘုံတမျှ အစာဆင်းရဲ၊ အနေဆင်းရဲ၊ ဒုက္ခခံစား နေကြရရှာသည်။
ဒါကိုကြည့်ခြင်းအားဖြင့် ခေတ်ကြောင့်လော လူကြောင့်လောဆိုသည်ကို ဆုံးဖြတ်နိုင်ပါလိမ့်မည်။ အချိန်သည် သူ့ဟာသူ ပြောင်းလဲနေမည် သာဖြစ်သည်။ ထိုပြောင်းလဲမှုကို အရှုံးနှင့်ပြောင်းလဲမည်လော၊ အမြတ်နှင့်ပြောင်းလဲမည်လောဟု ဆုံးဖြတ်ရမှာက လူသားများသာ ဖြစ်သည်။ ဇာတ်တော် ၌- လူဖျင်း လူညံ့များကို အချိန်က၀ါးမျိုသွားသည်။ လူစွမ်းကောင်းကတော့ အချိန်ကို အနိုင်ယူဝါးမျိုလိုက်သည်။ (ဇာ၊ ၁၊ ၆၈) (အဆိုပါဇာတ်တော်စကားကို အဋ္ဌကထာဆရာက အချိန်ကာလ၀ါးမျိုနိုင်သူအရ ရဟန္တာကို ရည်ရွယ်၍ ဖွင့်ခြင်းသည် ဥက္ကဋ္ဌနိဒ္ဒေသ နည်းဖြင့် ဖွင့်ပြခြင်းဖြစ်သည်။
အချိန်ကို အလဟဿမဖြစ်စေဘဲ စနစ်တကျ ကောင်းကျိုးရအောင် အသုံးချနိုင်သူမှန်သမျှ အနိုင်ရနေမည်သာဖြစ်သည်။ (သဗ္ဗတ္ထပရာဇီတာ၊ မင်္ဂလသုတ်)၊ ယနေ့ကမ္ဘာမှာ ကြီးပွားတိုးတက်နေသော ပုဂ္ဂိုလ်များ နိုင်ငံများတိုင်းသည် အချိန်ကိုအနိုင်ရအောင် လူတော်လူကောင်းများ ဦးဆောင်ခဲ့ခြင်း ကြောင့်ဖြစ်သည်။
ယခု ၀ါလကင်းလွတ် သီတင်းကျွတ်ပြီမို့ မြန်မာနိုင်ငံ၌ လလိုအပ်တာတွေပြောင်းလဲဖို့ မလွဲမသွေ အချိန်တန်နေပြီ။ “နိုင်ငံရေး လုပ်တယ်ဆိုတာ ရန်သူကို မိတ်ဆွေဖြစ်အောင်လုပ်တာ”ဟု ဆရာကြီး ဒဂုန်တာရာပြောခဲ့သလို မြန်မာနိုင်ငံ၌ တာဝန်ရှိသူအချင်းချင်း တစ်ဦးနှင့်တစ်ဦး အပြစ်ဖို့ရန်ဖြစ် နေမည့်အစား သဘောထားကြီးစွာဖြင့် ရန်သူကို မိတ်ဆွေအဖြစ် လက်တွဲနိုင်အောင် ယုံကြည်မှုတည်ဆောက်ပေးကြဖို့ နားလည်ပေးကြဖို့ ပထမဆုံး ကြိုးစားရမည် ဖြစ်ပါသည်။ တစ်ဖက်နှင့် တစ်ဖက်မလျှော့လျှင်တော့ ပြတ်သွားမည်။ ပျက်သွားမည်။ ဆုံးရှုံးသွားမည်။ နိုင်ငံအတွက် လုပ်တာမှန်သမျှ နိုင်ငံ ရေးပင်ဖြစ်သည်၊ လုပ်သူမှန်သမျှလည်း နိုင်ငံရေးသမားများပင် ဖြစ်သည်ဆိုသည်ကို ဘယ်သူငြင်းနိုင်မလဲ. ရဟန် ရှင်လူ မည်သူမဆို မိမိ နိုင်ငံ၏အရေးကို သိထားရမည်။ စွမ်းနိုင်ရာက ပါဝင်ရမည်။ နိုင်ငံသားဖြစ်ပါလျက် နိုင်ငံ၏အရေးကို ကိုယ်နှင့်မဆိုင်သလိုနေလျှင် တာဝန်မဲ့သူသာဖြစ်သည်။ တာဝန်ရှိသူ တာဝန်မဲ့လျှင် ကားဒရိုင်ဘာ တာဝန်မဲ့ရာ၌ ကားတစ်စီးလုံးဒုက္ခရောက်ရသကဲ့သို့ ဖြစ်မည်။ ဒီမိုကရေစီသဘောအရ သူ့အမြင်ကိုယ့်အမြင် ကွဲပြားခွင့်ရှိ သော်လည်း ဦးတည်ချက်မှာ မြန်မာနိုင်ငံ၏ တိုင်းပြည်နှင့်လူမျိုး ကောင်းစားရေး ဦးတည်ချက်ကိုတော့ လုံးဝမမေ့သင့်ပေ။ တိုင်းပြည်နှင့်လူမျိုးအတွက် ကောင်းစားဖို့ လုပ်ရာမှာ-
၁။ လုပ်ချင်တာ ၂။ လုပ်သင့်တာ ၃။ လုပ်နိုင်တာ
၃-မျိုးတွင် လုပ်ချင်တာထက် လုပ်သင့်တာကို ဦးစားပေးရမည်။ လုပ်သင့်တာတွေထဲမှာလည်း လုပ်နိုင်သလောက်ကိုသာ ပထမ ဦးစားပေးရ မည်။ နောင် အသားကျသွားသောအခါ လုပ်သင့်တာတွေ ဆက်လက်လုပ်သွားရမှာသာ ဖြစ်သည်။ ကိုယ်လုပ်ချင်တာ တစ်ခုတည်းကို စွဲကိုင်ထားလျှင် ဒီမိုကရေစီဆိုသော်လည်း ဒမိုကရေစီမဖြစ်နိုင်ပါ။ အချိန်ကာလတစ်ခုကိုတော့ စိတ်ရှည်ရှည်ထားပြီး စောင့်ရမှာဖြစ်သည်။ ““ခုအပင်စိုက် ခုအသီးစားလို့မရ” ဆိုတဲ့သဘောကို မမေ့သင့်ပေ။ ယနေ့ မြန်မာနိုင်ငံ၌ လိုအပ်ချက်တွေ၊ ပြင်သင့်တာတွေ၊ ပြောင်းသင့်တာတွေကို မြန်မာနိုင်ငံသားများပင် ပြောင်းရမည် ဖြစ်သည်။ သူများအားကိုးနေ၍ ရမည်မဟုတ်။ ကိုယ့်လိုအပ်ချက်ပြင်ဖို့ဆိုတာ ကိုယ်ကိုယ်တိုင်သာ ပြင်ရမည်ဖြစ်သည်။ ဤအကြောင်းကို ဆရာကြီးဇော်ဂျီ က မင့်အိမ် ကဗျာဖြင့် လမ်းညွှန်ခဲ့သည်။
“မကောင်း မင့်အိမ်၊ ကောင်း မင့်အိမ်တည်။
မင်းအိမ် ရွှဲစို၊ အမိုးယိုသော်၊
မငြိုသင့်ပါ၊ မင်း တက်ဖာပေါ့၊
အကာ အခင်း၊ ပျက်ပြိုယွင်းသော်၊
မငြင်းစေချင်၊ မင်းဆက်ပြင်ပေါ့၊
အခွင်အနဲ့ အရွဲ့အစောင်း၊
မကောင်း မပြေ၊ ဟောင်းထွေထွေကို၊
အခြေနှင့် မျှ၊ ဥာဏ်ဖြင့်ဆ၍၊
လုံးလသက်သွင်း သစ်စေမင်း။”
ပြင်သင့်တာ မပြင်၊ ပြောင်းသင့်တာ မပြောင်းရင်တော့ ဘာမှဖြစ်လာမည်မဟုတ်။ “ပျက် အစဉ်၊ ပြင် ခဏ” ဆိုသည့်အတိုင်း မပြင်ဘဲထားရင် အစဉ်အမြဲ ပျက်နေမည်သာဖြစ်သည်။ ပြင်လိုက်ရင် ခဏချင်းပင် ပြောင်းလဲသွားမည်။ ၀ါလကင်းလွတ် သီတင်းကျွတ် ဆိုသောစကားက ပြင်ဖို့၊ ပြောင်းဖို့ အချိန်တန်ပြီဟု တပ်လှန့်နေသည်ကို တာဝန်ရှိသူတိုင်း သတိမှုသင့်ကြပြီ။ ငါ့စိတ်ကြိုက်သာ ဖြစ်ရမည်ဆိုလျှင် ဒီမိုကရေစီ ပြောနေသော်လည်း ပြောတဲ့သူ ကိုယ်တိုင်က အပြောနှင့်အလုပ် မညီတော့ပါ။ ထို့ကြောင့် ပြင်သင့်တာတွေ၊ ပြောင်းသင့်တာတွေ ပြောင်းဖို့အချိန်တန်နေပြီဟု တိုက်တွန်းရင်း ”၀ါကျွတ်ပြီမို့ ပြောင်းကြစို့” ဆောင်းပါးကို အဆုံးသတ် အပ်ပါသတည်း။
အရှင်တိလောကာဘိဝံသ (အင်းစိန်)
ရွာမပရိယတ္တစာသင်တိုက်၊ အင်းစိန်မြို့။
သီတင်းကျွတ်လပြည့်ကျော် ၁-ရက်၊ ၁၃၇၆-ခု၊
(အောက်တိုဘာ ၉၊ ၂၀၁၄) ကြာသပတေးနေ့။
No comments:
Post a Comment