“အငှားဗိုက်နှင့် ဓားထိုးခံ မုသာဝါဒကံ” (ဘဒ္ဒန္တ တိလောကာဘိဝံသ) မဘသဗဟို ဥက္ကဋ္ဌဆရာတော်

 

လူရယ်လို့ဖြစ်လာလျှင် မလွဲမသွေ လိုက်နာကျင့်သုံးရမည့် ကိုယ်ကျင့်တရားမှာ ၅-ပါးသီလပင်ဖြစ်သည်။ ၅-ပါး သီလသည် လူပီသရေးအတွက် အရေးကြီးသော ကိုယ်ကျင့်တရားလည်းဖြစ်သည်။ ဤ ၅-ပါးသီလကဲ့သို့သော ကျင့်ဝတ်များ သည် ကမ္ဘာဦးကပင် ရှိနေနှင့်ကြသည်။ ဘုရားပွင့်ချိန်မှာ ဘုရားရှင်တို့က သတ်မှတ်ပညတ်ကြသည်။ ဘုရားပွင့်ချိန်မဟုတ် လျှင် သူတော်ကောင်းပညာရှင်များက သတ်မှတ်ပေးကြသည်။ ထို့ကြောင့် ၅-ပါးသီလကဲ့သို့သော ကျင့်ဝတ်သိက္ခာများ အခြားသော ဟိန္ဒူ, ခရစ်ယာန်စသော ဘာသာများ၌ရှိနေခြင်းဖြစ်သည်။ ဤသဘောကို မသိသော အချို့သူများက ၅-ပါး သီလသည် အခြားသောဘာသာများ၌လည်း ရှိနေ၍ မြတ်ဗုဒ္ဓက သူ့အရင်ပေါ်နှင့်သော ဟိန္ဒူစသော ဘာသာများမှ ၅-ပါး သီလကျင့်ဝတ်တရားကို ယူထားသည်ဟု ပြောလေ့ရှိကြသည်။
၅-ပါးသီလထဲမှ မုသာဝါဒ အကြောင်း
တစေ့တစောင်းကိုသာ ပြောကြားလိုပါသည်။ မုသာဝါဒ-လိမ်ညာသည် ဆိုသည်မှာ အမှန်မဟုတ်တာကို ပြောဆိုခြင်း၊ အမှန်ကို အမှားဖြစ်အောင်ပြောဆိုခြင်း၊ အမှားကို အမှန်ဖြစ်အောင် ပြောဆိုခြင်း၊ နားထောင်သူ အမှားသိရှိနားလည်သွားအောင် ပြောဆိုခြင်းတည်း။ မုသာဝါဒသည် များသောအားဖြင့် ၀စီကံနှုတ်အမူအရာဖြင့် ပြောလေ့ရှိသောကြောင့် ၀စီကံထဲမှာ ထည့်ထားသော်လည်း ကိုယ်အမူအရာ, နှုတ်အမူအရာ ၂-မျိုး လုံးနှင့်ဆိုင်သည်။ ကိုယ်နဲ့လိမ်လိမ်, နှုတ်နဲ့လိမ်လိမ် ဘယ်နည်းနှင့်လိမ်လိမ် မုသာဝါဒပင် ဖြစ်သည်။ ကိုယ်အမူအရာ ဆိုသည် မှာ ကိုယ်ဟန်,လက်ဟန်,ခေါင်းဟန်,မျက်နှာဟန် တစ်ခုခုပြုလုပ်၍ လိမ်ခြင်း၊ အမှားသိစေခြင်းတည်း။ စာရေးသားခြင်းစသော စာနယ်ဇင်းဖြင့်ဖြစ်စေ, ရုပ်သံဖြင့်ဖြစ်စေ, မည်ည့်နည်းဖြင့်လိမ်လိမ် မုသာဝါဒပင်ဖြစ်သည်။
၅-ပါး သီလလာ ဒုစရိုက်ပြစ်မှု ၅-မျိုးတွင် -
၁။ မုသာဝါဒသည် အပြစ်အကြီးဆုံးဖြစ်သည်။ မုသာဝါဒမှ မလုံခြုံသူသည် မည်သည့်ပြစ်မှုမဆို လွန်ကျူးမည် သာ ဖြစ်သည်။
(ဣတိဝုတ်-မုသာဝါဒသုတ်-၂၀၇)
၂။ ချစ်သားရာဟုလာ မုသားဆိုရင် ရယ်ဖွယ်အဖြစ်တောင်မပြောနဲ့၊ လိမ်ဝံ့တဲ့သူဟာ မလုပ်ရဲသော အကုသိုလ် ဟူ၍မရှိ၊ မှောက်ထားသောရေခွက်မှာ ရေတစ်စက်မှမကျန်, ဘာမျှမရှိတော့သလို ထိုလိမ်ဝံ့သူ၌ အရည်အချင်းကောင်း ဟူသမျှ ဘာမျှမရှိနိုင်တော့ချေ။
(အမ္ဗလဋ္ဌိကရာဟုလောဝါဒသုတ်၊ မ-၂၊ ၇၈)
၃။ ကမ္ဘာဦးအခါက စေတိယမင်းသည် သူငယ်ချင်းအကျိုးအတွက် မုသာဝါဒပြောပေးခြင်းကြောင့် မြေမျိုခံရပြီး အ၀ီစိငရဲမှာ နှစ်ပေါင်းမရေမတွက်နိုင်အောင် ဒုက္ခခံခဲ့ရသည်။
(ဇာ-ဋ္ဌ၊ ၃-၄၃၆)
၎။ စိဉ္စမာဏမိန်းမချောလေးသည် သူ့ဆရာတိတ္ထိများအကျိုးအတွက် သူ့ကိုယ်ဝန်ဟာ ဘုရားရှင်နှင့်ရတာပါဟု လိမ် ညာစွပ်စွဲခြင်းကြောင့် မြေမြိုခံရပြီး အ၀ီစိငရဲမှာ နှစ်ပေါင်းမရေမတွက်နိုင်အောင် ဒုက္ခခံနေရရှာသည်။
(ဓမ္မပဒ၊ ဋ္ဌ-၂၊ ၁၁၇-၁၁၈)
- စသည်ဖြင့် မုသာဝါဒအပြစ်များကို ဘုရားဟောဒေသနာတို့၌ မြောက်မြားစွာတွေ့ရသည်။
မင်းမှာ သစ္စာ၊ လူမှာ ကတိ (မဃဒေ၀) ဆိုသည့်အတိုင်း မုသာဝါဒ မလုံခြုံသူသည် သစ္စာလည်းမရှိ၊ ကတိလည်း တည်နိုင် မည်မဟုတ်ပေ။ ကတိ, သစ္စာတည်လျှင် နွယ်,မြက်,သစ်ပင်သည်ပင် အလိုအလျောက်ဆေးဖြစ်သည်။ မှန်ကန်စွာဆိုမှု သစ္စာစကားကြောင့် တောမီးကို ငြိမ်းစေသည်။ ရေစုန်ကို ဆန်စေသည်။ မိုးကိုရွာစေသည်။ မီးမဖွားနိုင်၍ သေအံ့မူးမူး ဖြစ်နေသည်ကို ချမ်းသာလွယ်ကူစွာ မီးဖွားစေနိုင်သည်။ အမှန်ကိုပြောဆိုမှုသည် သစ္စာပါရမီပင် ဖြစ်သည် စသည်ဖြင့် မုသာဝါဒရှောင်ကြဉ်မှုသီလသည် မဆုံးနိုင်သောကောင်းကျိုးကို ရရှိစေနိုင်သည်။ အကုသိုလ် အလုပ်တွင် မုသာဝါဒသည် အပြစ်အကြီးဆုံးဖြစ်သည်။ ကုသိုလ်အလုပ်တွင် သစ္စာစကားသည် အမြင့်မြတ်ဆုံးဖြစ်သည်။ ထို့ကြောင့် -
အကုသိုလ်မှာ၊ မုသာဝါဒ၊ ကုသိုလ်မှာကား၊ သစ္စ၀ါစာ၊ လေးဆုံ့သာတည်း ဟု (မဃဒေ၀) ဆိုထားသည်။
မုသာဝါဒအပြစ်များကို
မဟုတ်မမှန်၊ တစ်ဖက်သားကို၊ ယွင်းချွတ်လှည့်စား၊ မုသားဆို၊
အဓိပ္ပါယ်ကို၊ ထိုသူသိက၊ မုသာဝါဒ အကုသိုလ်၊
လွန်ကျူးမိလျှင် တကယ်ပဲပေါ့၊ အပါယ်ငရဲ ကျမည်ဆို၊
လွတ်လာပြန်လည်း၊ ပုပ်ညှီစွဲ၊ သွားကျဲ-နှုတ်ခမ်းတို၊
အဲဒါကြောင့် ပဉ္စသီလ တည်ကြပါစေလို။ (ရှေးဆရာများ)
မုသားစကား၊ ပြောဆိုငြားမူ၊ စကားမပီ၊ သွားမညီတည်း၊ ပုပ်ညှီပါးစပ်၊
ခြောက်ကပ်ကိုယ်ရေး၊ ဣနြေ္ဒယွင်းနှောက်၊ ရုပ်ဆင်းဖောက်၏၊
မရောက်သြဇာ၊ နှုတ်လျှာကြမ်းထော်၊
လျှပ်ပေါ်လော်လည်၊ စိတ်မတည်သည်၊ ရှောင်ကြဉ် အပြန်အကျိုးတည်း။ (ရှေးဆရာများ)
စသည်ဖြင့် မိန့်ဆိုထားကြသည်။ တစ်ဦးတစ်ယောက်ကိုလိမ်လျှင် မုသာဝါဒတစ်ချက် အပြစ်သင့်သည်ဆိုပါက မြန်မာတစ်နိုင်ငံလုံးသိအောင် မမှန်မကန်လိမ်ညာ ရေးသားလျှင်,ပြောဆိုလျှင်,ထုတ်လွှင့်လျှင် မုသာဝါဒ သန်း ၅၀-ကျော် အပြစ်သင့်မည်။ တစ်ကမ္ဘာလုံးသိအောင် ရေးသား, ပြောဆို, ထုတ်လွှင့်လျှင်တော့ မုသာဝါဒ သန်းပေါင်း ထောင်သောင်း မက ကျူးလွန်ရာရောက်သည်။ မုသာဝါဒတစ်ခွန်းသည်ပင် အပါယ်ငရဲ၌ အချိန်ကြာမြင့်စွာ ဒုက္ခခံရပြီး အပါယ်မှ လွတ်ပြန်လျှင်လည်း စကားမပီ၊ သွားမညီတည်း စသောမဆုံးနိုင်သောဆိုးကျိုးများ ခံစားရမည်မှာ မလွဲပေ။ ကြောက်စရာ ကောင်းပေစွ။
ယခုအခါ မြန်မာ့နိုင်ငံရေးလောကတွင် အချို့သူများသည် သူတို့အာဏာရဖို့အတွက် ပြည်သူများကို မစားရ ၀ခမန်း မြှူဆွယ်နေကြသည်။ အချင်းချင်းတိုက်ပေးနေကြသည်။ နွားကွဲလျှင် ကျားဆွဲ ဆိုသလို လူမျိုးခြား, ဘာသာခြားများကလည်း သူတို့ထင်သလိုခြယ်လှယ်လို့ရအောင် အဖက်ဖက်က ပေးကမ်းထောက်ပံ့နေကြသည်။ မြန်မာ့သစ္စာဖောက်များကလည်း သူတို့ကိုယ်ကျိုးတစ်ခုတည်းသာကြည့်ပြီး တိုင်းပြည်နှင့်လူမျိုးမျက်နှာ လုံးဝမငဲ့ကွက်ကြ။ ဘယ်သူသေသေ ငတေမာပြီးရော ပြည်သူကိုချနင်းနေကြသည်။ ကိုယ်ကောင်းကြောင်း သူများမကောင်းကြောင်း ဖရုသ၀ါစာ ၀စီကံကျူးလွန်နေကြသည်။ မဖြစ်နိုင်တာတွေ မက်လုံးပေးနေကြသည်။
ကိုယ်ကျိုးရှာအုပ်ချုပ်သူများကြောင့် ခေတ်အဆက်ဆက်နစ်နာခဲ့ရသော ပြည်သူများကလည်း ဆေးစာဖတ်ရာ နားထောင်ရာ လူနာပျောက်နိုးနိုး ဆိုသည့်အတိုင်း သူတို့ပြောသမျှ နားယောင်နေကြသည်။ ဤအခြေအနေကို မီးလောင်ရာ လေပင့်ပေးကြသော ဘာသာခြား,လူမျိုးခြားများက မျက်ဖြူဆိုက်လေ ဆရာကြိုက်လေ ဆိုသည့်အတိုင်း မသိမသာတစ်မျိုး, သိသိသာသာတစ်မျိုး သွေးထိုးပေးနေကြသည်။
ကူညီလိမ်ပေးသူများကလည်း လိုလျှင်လိုသလို, မလိုလျှင်မလိုသလို ပြောဆိုရေးသား ထုတ်လွှင့်ကြသည်။ ကြမ်းပိုး ကို လိပ်ဖြစ်အောင်ပြော ဆိုသလို သေးသေးလေးကို အကြီးကြီးဖြစ်အောင်, အကြီးကြီးကို သေးသေးလေးဖြစ်အောင် လိမ်သည်။ လိုသလို ချုံ့သည်, ချဲ့သည်။ သောင်းဂဏန်း, သိန်းဂဏန်းလောက် အရေအတွက်ရှိသည်ကို မုသားလွတ်ရုံ တစ်ရာကျော်ကျော်လောက်သာရှိသည် စသည်ဖြင့် ပြောဆိုရေးသားခြင်းသည်လည်း လိမ်နည်းတစ်မျိုးပင်ဖြစ်သည်။ မိဘကို သတ်လျှင် အပြစ်မရှိဟု ယူဆပါက မှားသောအယူဖြစ်သည် ဟူသော စကား၌ မိဘကိုသတ်လျှင် အပြစ်မရှိဟု ယူဆ ဟုသာ ပြောဆိုရေးသားသကဲ့သို့ ပြည့်ပြည့်စုံစုံမဖော်ပြဘဲ တစ်ပိုင်းတစ်စလောက်သာ ဖော်ပြလျှင်လည်း လိမ်နည်းတစ်မျိုးပင် ဖြစ်သည်။ မလိုလျှင်ဖြုတ် လိုလျှင်အပိုစွက်ခြင်း၊ မလွှဲသာလို့သတင်းထည့်ရလျှင်လည်း ချောင်ကြိုချောင်ကြား မမြင်လောက် ရာ သတိမထားမိလောက်ရာ၌ ၀တ်ကျေတန်းကျေလောက်သာ ဖော်ပြခြင်း၊ မသိချင်ယောင်ဆောင် မဖော်ပြခြင်း စသည် တို့သည်လည်း လိမ်နည်းတစ်မျိုးပင်ဖြစ်သည်။
တစ်ဝမ်းတစ်ခါး ၀မ်းစာရေးအတွက် အမှန်ကိုအမှားဖြစ်အောင်, အမှားကို အမှန်ဖြစ်အောင်, မဟုတ်မမှန် လိမ်ညာရေးသားလျှင်, ပြောဆိုလျှင်, ထုတ်လွှင့်လျှင် ရရှိလာသောအကျိုးအမြတ်, လုပ်အားခကို ကိုယ်နှင့်ကိုယ့်ပတ်ဝန်း ကျင် ၀ိုင်းစားကြမည်။ မုသာဝါဒအပြစ်ခံရလျှင်ကား လိမ်သူမိမိသာ ခံရမည်။ လိမ်ညာမှုလုပ်ရပ်၏ ဆိုးကျိုးများကို ကိုယ့်မိသားစု, ကိုယ့်အသိုင်းအ၀ိုင်းက မျှဝေခံစားရမည်မဟုတ်။ ကိုယ့်ထိုက်နဲ့ကိုယ်သာ ခံရမည်ဖြစ်သည်။ လိမ်ညာမှု၏ အကျိုးအမြတ်, လုပ်အားခကို ခံစားတော့အများ၊ အပြစ်ခံရတော့ ကိုယ်တစ်ယောက် နင်နဲ့ နင့်ကံ နင်သာခံပေတော့။ ဘယ်သူမှ ၀ိုင်းကူလို့မရနိုင်ပေ။
ဆိုခဲ့ပြီးသည့် စေတိယမင်းသည် သူငယ်ချင်းအကျိုးအတွက် စိဉ္စမာဏမိန်းမချောလေး သည် သူ့ဆရာတိတ္ထိများ အကျိုးအတွက် ဆန္ဒာဂတိလိုက်ပြီး၊ လိမ်ညာပြောဆိုလိုက်ခြင်းကြောင့် ခံရတော့ လိမ်သူများဖြစ်သည့် စေတိယမင်းနှင့် စိဉ္စမာဏတို့သာ ခံသွားရရှာသည်။ သူတို့လုပ်ပေးသူများကား စံစားရုံသာ စံစားကြရသည်။ ဒုက္ခမခံစားကြရ။ သင်တို့လည်း ကိုယ်လိုလားသူများအတွက် ကြားက လိမ်ညာပြောဆို, ရေးသားပေးလျှင် ခံစရာရှိ သင်တို့သာခံရမည်။ သင်တို့ အကျိုးဆောင်ပေးသူများကား သင်တို့ဒုက္ခကို ခံကြရမည်မဟုတ်။ သင်တို့လုပ်ပေးသည့် စည်းစိမ်များကို မြိန်မြိန်ကြီးခံစား ကြပေမည်။ ထို့ကြောင့် သတိရှိကြစေရန် သနားငဲ့ညှာ ကရုဏာ, စေတနာဖြင့် ဤ အငှားဗိုက်နှင့် ဓားထိုးခံ မုသာဝါဒကံ ဟူသော ဆောင်ပါးကို အဆုံးသတ်အပ်ပါသတည်း။ ။
သီတင်းကျွတ်လဆန်း ၆-ရက်၊ ၁၃၇၇-ခု၊
(အောက်တိုဘာလ - ၁၉၊ ၂၀၁၅)၊ တနင်္လာနေ့။
အရှင်တိလောကာဘိဝံသ (အင်းစိန်) ရွာမပရိယတ္တိစာသင်တိုက်၊အင်းစိန်မြို့။

Arkar