မဘသ(ဗဟို)ဥက္ကဌဆရာတော်ဘုရားကြီး၏ ညီညွှတ်မျှတ ငြိမ်းချမ်းမှုကိုဖော်ဆောင်သည့် အမျိုးစောင့်ဥပဒေ ပေါ်ပေါက်လာခြင်း အထိမ်းအမှတ် နိုင်ငံလုံးဆိုင်ရာ ဂုဏ်ပြုကြိုဆိုပွဲကြီး၌ မိန့်ကြားတော်မှုခဲ့သည့် သြ၀ါဒ ကထာ အပြည့်အစုံအား အမျိုး ဘာသာ သာသနာ ချစ်မြတ်နိုးသူ ရဟန်း ရှင် လူ အများပြည်သူ ဖတ်ရှုလေ့လာနိုင်ပါရန် ဆရာတော်ဘုရားကြီးအား ရိုသေစွာဦးခိုက်လျက် ဖော်ပြလိုက်ရပါသည်။ (AK)

ညီညွတ်မျှတ ငြိမ်းချမ်းမှုကို ဖော်ဆောင်သည့်
အမျိုးစောင့်ဥပဒေ ပေါ်ပေါက်လာခြင်း အထိမ်းအမှတ်
နိုင်ငံလုံးဆိုင်ရာ ဂုဏ်ပြုကြိုဆိုပွဲကြီး၌
မဘသ (ဗဟို) ဥက္ကဋ္ဌ ဆရာတော်ဘုရားကြီး၏
အဖွင့် သြ၀ါဒ

ဤပွဲကြီးသို့ ကိုယ်စိတ်ပင်ပန်းမှုကို ပဓာနမထားဘဲ ကြွရောက်လာကြသော ဆရာတော် သံဃာတော်များ၊ တက်ရောက်လာကြသော သံတမန်များ, ဘာသာပေါင်းစုံ အဖွဲ့အစည်းများ, ပါတီအသီးသီးမှပုဂ္ဂိုလ်များ, မီဒီယာများ, စာနယ်ဇင်းများ, လူမှုအဖွဲ့အစည်းများ, ပညာရှင်များ, အနုပညာရှင်များ, အခြားသော ဧည့်ပရိသတ်များ- စသည်စသည်တို့ တွေ့ရကြုံရ စကားပြောခွင့်ရ၍ ဆရာတော်အလွန်ဝမ်းမြောက် ဂုဏ်ယူပါတယ်။ အားလုံကို “မင်္ဂလာပါ”လို့လည်း နှုတ်ခွန်း ဆက်သပါတယ်။

ယနေ့ပွဲကြီးဟာ ငြိမ်းချမ်းရေးပွဲကြီးလို့လည်း ဆိုနိုင်ပါတယ်။ ဒါ့ကြောင့်မို့လို့ ဒီပွဲကြီးကို ညီညွတ်မျှတ ငြိမ်းချမ်းမှုကို ဖော်ဆောင်သည့် အမျိုးစောင့်ဥပဒေ ပေါ်ပေါက်လာခြင်း အထိမ်းအမှတ် နိုင်ငံလုံးဆိုင်ရာ ဂုဏ်ပြုကြိုဆိုပွဲကြီး- လို့ ခေါင်းစီးများ စာတမ်းများ၌ ရေးထိုးထားပါတယ်။ တရားဥပဒေဆိုသည်မှာ မတရားမှုများ, မငြိမ်းချမ်းမှုများ မဖြစ်ပေါ်အောင် ကြိုတင်ချမှတ် ထားသော သတ်မှတ်ထားသော စည်းကမ်းဥပဒေများရှိသလို မတရားလုပ်မှုများ ပေါ်ပေါက်လာမှ သတ်မှတ်ပြဋ္ဌာန်းပေးရ သော စည်းမျဉ်းစည်းကမ်းဥပဒေ သတ်မှတ်ချက်များလည်း ရှိပါတယ်။

စည်းကမ်းဥပဒေမရှိသော လူမှုအဖွဲ့အစည်း နိုင်ငံစသည် မည်သည့်အရာမဆို အကွပ်မရှိသည့်ကြမ်း ပရမ်းပတာဖြစ် ဆိုသည့်အတိုင်း ဒုစရိုက်မှုများ, မတရားမှုများ- စသည်တို့ ထိန်းမနိုင် သိမ်းမရ ပရမ်းပတာ ဖြစ်သွားနိုင်ပါတယ်။ ထိုမှတစ်ဆင့် ပဋိပက္ခများ, မငြိမ်းချမ်းမှုများ, အသက်အိုးအိမ် လုံခြုံမှုမရှိမှုများ စသည်စသည်ဖြင့် ဆိုးကျိုးပေါင်းမြောက်မြားစွာ ဖြစ်ပေါ်နိုင်ပါတယ်။ ထိုသည့်ဆိုကျိုးများကို ကြိုတင် ကာကွယ်ဖို့ ဥပဒေဆိုတာ သတ်မှတ်ပြဋ္ဌာန်းရပါတယ်။ ထိုမှတစ်ဆင့် တရားဥပဒေ စိုးမိုးမှုရှိအောင်လည်း အားလုံးဝိုင်းဝန်း ပူပေါင်းဖို့ အထူးလိုအပ်ပါတယ်။

စည်းတွင်းမှာနေ၊ ကင်းကွေလိမ့် ရန်ဘေး၊
ကမ်းကိုကျော်၊ ချော်ကာကျ၊ များလှ ရန်ဘေး။
ဟူသော ရွှေကျင်ဆရာတော်ဘုရား၏ သြ၀ါဒနှင့်အညီ စည်းဆိုသည်မှာ အန္တရာယ်များ မ၀င်နိုင်အောင် ကာကွယ် ထားသော ရံတားထားသော အကာအရံစည်းရိုးကို ဆိုလိုပါတယ်။
ကိုယ့်စည်းအတွင်းမှာနေလျှင် ဘေးရန်ကင်းနိုင်ပါတယ်။ ကမ်းဆိုသည်မှာလည်း အန္တရာယ်ချောက်ကမ်းပါးကို ဆိုလိုပါတယ်။ ယင်းကမ်းပါးကို လွန်တာနှင့်တပြိုင်နက် ချောက်ထဲကျပြီး ဒုက္ခအဖုံဖုံ တွေ့ကြုံရနိုင်ပါတယ်။ ဒါကြောင့်မို့လို့ အန္တရာယ်ရှိသည့် တံတားများ, ကားလမ်းဘေးများ၌ အတားအဆီး အကာ အရံ အမှတ်အသားများကို ပြထားလေ့ရှိပါတယ်။ ဤအမှတ်အသားကိုကြည့်၍ အန္တရာယ်ကို သတိထားရှောင်ရှားနိုင်ပါတယ်။ စည်းကမ်းသည် သက်ဆိုင်ရာပုဂ္ဂိုလ်ကိုဖြစ်စေ, အဖွဲ့အစည်းကိုဖြစ်စေ, နိုင်ငံကိုဖြစ်စေ အန္တရာယ်ကင်းစေရုံသာမက သက်ဆိုင်သူလိုက်နာသူများကိုလည်း ဂုဏ်တက်စေပါတယ်။ အဆင့်အတန်းမြင့်စေပါတယ်။ ထို့ကြောင့် စည်းကမ်းသည် လူ၏တန်ဖိုးဟု ပြောလေ့ရှိကြပါတယ်။

မြတ်ဗုဒ္ဓ၏ ရဟန်း, သံဃာအဖွဲ့အစည်းကြီး နှစ်ပေါင်း ၂၅၀၀-ကျော် ယနေ့ထိတိုင်အောင် အဆင့်အတန်းမြင့်မြင့် တည်တံ့နေခြင်းမှာလည်း စနစ်တကျသတ်မှတ်ထားသော ပညတ်ထားသော ၀ိနည်းစည်းကမ်းများ, ၀ိနည်းဥပဒေများ, ၀ိနည်း သိက္ခာပုဒ်များကို စနစ်တကျ မြတ်ဗုဒ္ဓကိုယ်တိုင် သတ်မှတ်ခဲ့ခြင်း, ချမှတ်ခဲ့ခြင်း, သံဃာ့အဖွဲ့အစည်းကြီးကလည်း လိုက်နာ ကျင့်သုံးခဲ့ခြင်းကြောင့် ဖြစ်ပါတယ်။ ၀ိနည်းဆိုသော စကားလုံးသည်ပင် ကိုယ်အမူအယာ, နှုတ်အမူအယာကို ယဉ်ကျေးအောင်, လူပီသအောင်, အဆင့်မြင့်အောင်, အများကြည်ညို လေးစားလောက်အောင် သတ်မှတ်ထားသော စည်းကမ်းဥပဒေများဖြစ်သည်ဟု ၀ိနည်းအဖွင့် အဋ္ဌကထာကျမ်းများ၌ မိန့်ဆိုထားပါတယ်။

မြတ်ဗုဒ္ဓကိုယ်တိုင်ကလည်း ၀ိနည်းသိက္ခာပုဒ် စည်းကမ်းဥပဒေများ သတ်မှတ်ပြဋ္ဌာန်းလိုက်ခြင်းသည် -
၁။ ဒုမ္မကူင်္နံ ပုဂ္ဂလာနံ နိဂ္ဂဟာယ - စည်းမဲ့ကမ်းမဲ့ မတရားလုပ်သူ, ဆိုးသွမ်းသူများ၏ အန္တရာယ်ကို ကာကွယ် စောင့်ရှောက် ဟန့်တားရန်၊
၂။ ပေသလာနံ ဘိက္ခူနံ ဖာသု ၀ိဟာရယ- သူတော်ကောင်းများ အမျိုးကောင်းသား/သမီးများ ချမ်းချမ်းသာသာ စိတ်ချလက်ချ နေထိုင်နိုင်ရန်၊
၃။ ဒိဋ္ဌဓမ္မိကာနံ အာသ၀ါနံ သံဝရာယ- မျက်မှောက်ဘ၀မှာ လက်ရှိမျက်မြင်လူ့ဘောင်လောက၌ပင် တွေ့ကြုံ နိုင်သည့် ဘေးအန္တရာယ်များ ကာကွယ်တားဆီးရန်၊
၎။ သမ္ပရာယိကာနံ အာသ၀ါနံ ပဋိဃာတာယ- နောင်တမလွန်ဘ၀, နောင်တစ်ချိန်၌လည်း တွေ့ကြုံနိုင်သည့် ဘေးအန္တရာယ်များ မတွေ့ကြုံရစေရန်၊
၅။ အပ္ပသန္နာနံ ပသာဒါယ၊ ပသန္နာနံ ဘိယျောဘာဝါယ- သံဃာ့အဖွဲ့အစည်းကြီးကိုလည်း အများသူငါ တန်ဖိုးထားလေးစားနိုင်ရန်၊
စသောအကျိုးများ ရနိုင်သည်ဟု မိန့်ကြားထားပါတယ်။ (၀ိ-၁၊ ၂၄)
အဆိုပါ မြတ်ဗုဒ္ဓ၏ မိန့်ကြားချက်ကိုကြည့်လျှင် လိုအပ်သောစည်းကမ်းဥပဒေသည် မျက်မှောက်အန္တရာယ်များ မဖြစ်ပေါ်စေရန်၊ အနာဂတ်အန္တရာယ်များ မကျရောက်စေရန် စသောအကျိုးများရနိုင်သဖြင့် စည်းကမ်းဥပဒေသတ်မှတ်ထား ခြင်းသည် မတရားမှုများ မဖြစ်အောင်ပြုလုပ်ခြင်း၊ ငြိမ်းချမ်းမှုကို ဖော်ဆောင်ခြင်းဟု အဓိပ္ပါယ်ရပါတယ်။ ယခင်အမျိုးစောင့်ဥပဒေ သတ်သတ်မှတ်မှတ်မရှိခဲ့စဉ်က မြန်မာနိုင်ငံ၌ မတရားမှုများ, ပဋိပက္ခများ, မငြိမ်းချမ်းမှုများ မကြာ မကြာ ဖြစ်ပေါ်ခဲ့သည်မှာ အထင်အရှားပင် ဖြစ်ပါတယ်။ ထိုဆိုးကျိုးများကို ကြိုတင်တားဆီးသောအနေဖြင့် အမျိုးစောင့်ဥပဒေ သတ်သတ်မှတ်မှတ် ပေါ်လာခြင်းကြောင့် ညီညွတ်မှု, မျှတမှု, ငြိမ်းချမ်းမှုဟူသော ကောင်းကျိုးရလဒ်များ မုချခံစားရမည် ဖြစ်ပါတယ်။
ကမ္ဘာကျော် ဧကရာဇ်ဘုရင်ကြီး နပိုလီယန် ဘိုနာပတ်ပြောကြားခဲ့သော -
The world suffers a lot. Not because the violence of bad people. But because of the silence of the good people.
ကမ္ဘာလောကကြီးဟာ ဆင်းရဲဒုက္ခများစွာခံစားနေရတယ်။ ဒီလိုဖြစ်နေခြင်းဟာ လူဆိုးတွေရဲ့ ဒုက္ခပေးမှုကြောင့်သာ မဟုတ်ဘူး။ တကယ်တော့ လူကောင်းတွေရဲ့ နှုတ်ဆိတ်နေခြင်း, လက်ပိုက်ကြည့်နေခြင်းကြောင့်လည်း ပါတယ်။

ဟူသော စကာသည်လည်း မြတ်ဗုဒ္ဓဖော်ညွှန်ခဲ့သည့် ဥပဒေပညတ်ရခြင်း၏ အကျိုးများ၏ တစ်စိတ်တစ်ဒေသပင် ဖြစ်ပါတယ်။ ဒါတင်မက -
ယော စ အာဂတံ ဘာရံ န ၀ဟတိ။ (ရောက်လာဝန်တာ၊ မဆောင်တာ၊ သူဟာ လူ့ဗာလ) ဟူသော အင်္ဂုတ္ထိုရ်လာ မြတ်ဗုဒ္ဓ၏ ဒေသနာနှင့်လည်း အညီပင်ဖြစ်ပါတယ်။ ထို့ကြောင့် လက်ရှိမြန်မာနိုင်ငံတော်၏ အခင်းအကျင်းမှာလည်း သက်ဆိုင်ရာ လူတော်လူကောင်းများဖြစ်သည့် ဘာသာရေးခေါင်းဆောင်များ, နိုင်ငံရေးခေါင်းဆောင်များ, ပညာရှင်များ, အနုပညာရှင်များ စသည်စသည်တာဝန်ရှိသူများသည် ကိုယ်နှင့်မဆိုင်ဟု ကြောင့်ကြမဲ့မနေကြပါနှင့်ဟုလည်း တိုက်တွန်း လိုပါတယ်။ ပန်ကြားလိုပါတယ်။

ဒီလို လူတော်လူကောင်းများ ကြောင့်ကြမဲ့နေခဲ့ခြင်းကြောင့် အိန္ဒိယ, အာဖဂန်နစ္စတန်, ပါကစ္စတန်, ဘင်္ဂလားဒေ့ရှ်, အင်ဒိုနီးရှား, မလေးရှားစသော နိုင်ငံတို့၌ ဗုဒ္ဓဘာသာဆိုင်ရာ ယဉ်ကျေးမှုများ ဘာသာ, သာသနာများ ပျောက်ကွယ်ခဲ့ရလေပြီ။ ထို့ကြောင့် နပိုလီယန်ပြောသလို ကိုယ်နှင့်မဆိုင်ဟု လက်ပိုက်မနေကြပါနှင့်ဟု တာဝန်ရှိသူများကို ထပ်မံပန်ကြားလိုပါတယ်။ တာဝန်မဲ့စွာလက်ပိုက်ကြည့်နေလျှင် မတရားလုပ်သူများ လုပ်ခွင့်ရအောင် ကူညီပေးနေသလိုလည်းဖြစ်ပါတယ်။ ကိုယ်တိုင်အဖျက်လုပ်ငန်းမှာ ပါဝင်နေသလိုလည်း ဖြစ်သည်ကိုလည်း သတိပြုကြရ ပါမယ်။

သုခါ သံဃဿ သာမဂ္ဂီ- ဟူသောဒေသနာအရ မြန်မာ့လူ့ဘောင်အဖွဲ့အစည်းကြီး ညီညွတ်သောအခါ သို့မဟုတ် ညီညွတ်သော မြန်မာ့လူ့ဘောင်အဖွဲ့အစည်းကြီးသည် ကိုယ်စိတ်နှစ်ဖြာ ချမ်းချမ်းသာသာ နေထိုင်နိုင်မည်။ သမဂ္ဂါနံ တပေါ သုခေါ- ဟူသော ဒေသနာအရ အမျိုးစောင့်ဥပဒေကျင့်စဉ်လုပ်ငန်းဥပဒေသည် မြန်မာ့လူ့ဘောင် အဖွဲ့အစည်းကြီး ညီညွတ်အောင် ငြိမ်းချမ်းမှုချမ်းသာခံစားနိုင်အောင် လုပ်ဆောင်ပေးခြင်းလည်း ဖြစ်ပါတယ်။ ထို့ကြောင့် ညီညွတ်မျှတ ငြိမ်းချမ်းခြင်းကို ဖော်ဆောင်သည့် အမျိုးစောင့်ဥပဒေ ဟုခေါ်ဆိုခြင်း ဖြစ်ပါတယ်။ ဒီဥပဒေပေါ်ပေါက်လာခြင်းကြောင့် မြန်မာ့ လူ့ဘောင် အဖွဲ့အစည်းကြီးသည် ညီညွတ်လာမယ်။ လူမျိုးအချင်းချင်း ဘာသာအချင်းချင်း မျှမျှတတဖြစ်လာမယ်။ ငြိမ်းချမ်းမှု အရသာကို ခံစားရမည်မှာ မလွဲပေ။

စရိယာ ၃-မျိုးတွင် အမျိုးစောင့်ဥပဒေ ပြုလုပ်ခြင်းသည် ဉာတတ္ထစရိယာလမ်းစဉ် ကျင့်ဆောင်ခြင်းဟူသော သူတော် ကောင်းလမ်းစဉ်ပင် ဖြစ်ပါတယ်။ ဉာတကာနဉ္စ သင်္ဂဟော- ဆွေမျိုးတွေကို ပြင်ပမထားနဲ့ သင်္ဂဟတရားနှင့် ချီးမြှောက်လေ ဟူသော မင်္ဂလာတရားတော်ကို လိုက်နာကျင့်သုံးသည့် မင်္ဂလာရှိသောလုပ်ငန်းလည်း ဖြစ်ပါတယ်။ ဤတာဝန်သည် လူသားတိုင်းသိရမည့် တာဝန်, လိုက်နာရမည့်တာဝန် ဖြစ်ပါတယ်။

ဉာတိ- ဆွေမျိုး အရ အမြင်ကျဉ်းကျဉ်းဖြင့် ရှုမြင်လျှင် မွေးချင်းပေါက်ဖော်များဖြစ်ပါတယ်။ ထို့ထက်ချဲ့ကြည့်လျှင် ဆွေ ၇-ဆက်၊ မျိုး ၇-ဆက်၊ ထို့ထက်ချဲ့ကြည့်ပြန်လျှင်လည်း ရပ်ဆွေရပ်မျိုးဟုခေါ်ကြသည့် မိမိနေထိုင်ရာ ရပ်/ကျေး, မြို့နယ်, ခရိုင်, ပြည်နယ်နှင့်တိုင်း, နိုင်ငံရှိ ရဟန်း, ရှင်, လူ, ပြည်သူအားလုံးသည် ဉာတိ-ဆွေမျိုးများပင် ဖြစ်ပါတယ်။ ကုလသမဂ္ဂ ဟူသော ဝေါဟာရသည်ပင် မိမိနေထိုင်ရာ နိုင်ငံလူမျိုးများကို ဆိုလိုပါတယ်။

ဆရာတော်အဓိကပြောကြားလိုတဲ့ အကြောင်းအရာများကို အနှစ်ချုပ်ပြောရမယ်ဆိုလျှင် ဆရာတော်တို့ရဲ့ စိတ်ခံစား ချက်နှင့် လက်တွေ့လုပ်ဆောင်ချက်များကို ပြောကြားလိုပါတယ်။ မြန်မာနိုင်ငံမှာ ဖြစ်ပေါ်ခဲ့တဲ့ လူမျိုးရေး, ဘာသာရေး အခြေခံပြီးဖြစ်ခဲ့ကြတဲ့ စစ်တွေ, မိတ္ထီလာ စသော အဓိကရုဏ်းကြီးများ ဖြစ်ပေါ်ခဲ့တဲ့အချိန်မှာ နှစ်ဖက်ဘာသာဝင်တွေ, ပြည်သူတွေ ကြုံတွေ့ခံစားခဲ့ကြရတဲ့ ကိုယ်ဆင်းရဲ, စိတ်ဆင်းရဲ, ဘ၀ဆင်းရဲတွေကို ကြားသိလိုက်ရတဲ့အချိန်၊ မြင်လိုက်ရတဲ့ အချိန်မှာ အလွန်ပဲ ထိတ်လန့်သံဝေဂရခဲ့ပြီး စိတ်မချမ်းမသာ ဖြစ်ခဲ့ရပါတယ်။ ဒါကြောင့် ဒီလိုမျိုး လူမျိုးရေး, ဘာသာရေး အခြေခံတဲ့ ပြဿနာတွေ နောက်ထပ်မဖြစ်နိုင်အောင် ဗုဒ္ဓဘာသာ ရဟန်းတော်များဘက်က ဘယ်လိုကူညီပေးရမလဲဆိုတာ ကို စဉ်းစားပြီး ပြဿနာဖြစ်ရခြင်းရဲ့ အခြေခံဇစ်မြစ်အကြောင်းတရားတွေကို လေ့လာကြည့်တဲ့ အခါမှာ လူမျိုးစုံတွေ, ဘာသာ မတူသူတွေရဲ့ကြားမှာ မညီမျှတဲ့ဥပဒေများဟာ ပြဿနာဖြစ်ရေးဆီကို ဦးတည်နေတယ် ဆိုတာကို ကောက်ချက်ချမိခဲ့ ပါတယ်။

ထိုပဋိပက္ခများ ငြိမ်းနိုင်သလောက် ငြိမ်းအောင် ဆောင်ရွက်ပေးဖို့ မဘသအဖွဲ့ကြီး ဖွဲ့စည်းဆောင်ရွက်ဖို့ ကြိုးစား ကြပါတယ်။ ထိုအဖွဲ့ကြီးကို ဦးဆောင်ဖို့ သီတဂူဆရာတော်ဘုရားကြီး အပါအ၀င် ဆရာတော်အတော်များများက မိမိကို တာဝန်ပေးကြပါတယ်။ ဆရာတော်လည်း အသက်အရွယ် အိုမင်းမစွမ်းဖြစ်သည်ကို ပဓာနမထားဘဲ တိုင်းပြည်နှင့်လူမျိုး ဘာသာ သာသနာအတွက် အသက်ခန္ဓာကိုမငဲ့ဘဲ စွမ်းနိုင်သလောက် ဆောင်ရွက်မည်ဟု သန္နိဋ္ဌာန်ချိုက်ပါတယ်။
ထိုသို့တာဝန်ယူပြီးသည့်နောက် ထိုအခက်အခဲများ ဖြေရှင်းနိုင်အောင် လိုအပ်သည်များကို ဆောင်ရွက်ရပါတယ်။

ဥပဒေပညာရှင်များကို ခေါ်ယူမေးမြန်းဆွေးနွေးပြီး ဘာသာတရားအားလုံးရဲ့ ကြားထဲမှာ မျှတတဲ့ ဥပဒေတစ်ရပ်နဲ့ ညီညီညွတ် ညွတ် ငြိမ်းငြိမ်းချမ်းချမ်း နေထိုင်နိုင်ဖို့ရန် ဘာသာတရားကို အခြေခံပြီးရေးဆွဲထားတဲ့ ဥပဒေတွေကို ပြန်လည်သုံးသပ်တဲ့အခါ မှာ တခြားဘာသာကြီးသုံးခုမှာ မျိုးစောင့်ဥပဒေရှိနေနှင့်ပြီး ဗုဒ္ဓဘာသာမှာတော့ မြန်မာ့ရိုးရာ ဓလေ့ထုံတမ်းဥပဒေသာရှိပြီး မျိုးစောင့်ဥပဒေမရှိသေးတဲ့အတွက် တခြားဘာသာများရဲ့ မျိုးစောင့်ဥပဒေများနှင့်လည်း မဆန့်ကျင်လွန်း, မလျော့လွန်းသည့် အမျိုးစောင့်ဥပဒေကို ရေးသားပေးရန် ဥပဒေပညာရှင်များကို အကူအညီတောင်းခဲ့ပါတယ်။ ဆရာတော်တို့ အသက် ၇၇-နှစ်ရှိပါပြီ။ ပရိယတ္တိသာသနာအတွက်ရော၊ ပဋိပတ္တိသာသနာအတွက်ရော၊ လောကအတွက်ရော တာဝန်ကျေအောင် လုပ်ဆောင်ခဲ့ပြီးဖြစ်သလို၊ လုပ်ဆောင်နေဆဲလည်း ဖြစ်ပါတယ်။ လူမျိုး, ဘာသာ, အရပ်ဒေသ မခွဲခြားဘဲ ကိုယ့်တိုင်းပြည်မှာ နေထိုင်ကြတဲ့ လူသားတွေအားလုံးကို မျှတတဲ့ဥပဒေအရိပ်အောက်မှာ ညီညီညွတ်ညွတ် ငြိမ်းငြိမ်းချမ်းချမ်း နေထိုင်ခွင့်ရဖို့ရန် အတွက် ရင်ထဲကစေတနာ, မေတ္တာတရားများကို အခြေခံပြီး အဓိဋ္ဌာန်ဝင်၊ သစ္စာဆိုပြီးတော့မှ လုပ်ခဲ့တာပါ။ ဒါဟာ ဆရာတော်ရဲ့ ဖြူစင်တဲ့စေတနာ၊ မေတ္တာအမှန်ပါ။ ဒီအဆင့်ကို ရောက်ဖို့ရန်အတွက်လည်း အခက်အခဲပေါင်းများစွာကို ရင်ဆိုင်ဖြေရှင်း ကျော်ဖြတ်ခဲ့ရပါတယ်။
မဘသအဖွဲ့ကြီး စတင်ဖွဲ့စည်းတဲ့အချိန်မှာပဲ နိုင်ငံတော်သံဃမဟာနာယကအဖွဲ့ကြီးက စင်ပြိုင်သံဃာ့အဖွဲ့အစည်း တစ်ခု ဖွဲ့စည်းတယ်ထင်လို့ ဆရာတော်ကိုယ်တိုင် အကြိမ်ကြိမ်သွားရောက်ရှင်းပြပြီး အပြန်အလှန်နားလည်မှု, ယုံကြည်မှုရရှိ အောင် ကြိုးစားခဲ့ရပါတယ်။ နောက်တစ်ခါ အစိုးရဘက်ကလည်း ဆရာတော်တို့အဖွဲ့က အစိုးရကို တိုက်ခိုက်မည့်နိုင်ငံရေး အဖွဲ့အစည်းလား၊ အယူဝါဒပြင်းထန်တဲ့ ဘာသာရေးအဖွဲ့အစည်းလား စသည်ဖြင့် သို့လောသို့လော ဖြစ်နေတဲ့အခြေအနေ ကိုလည်း အချိန်အတော်ယူပြီး နားလည်အောင် ရှင်းပြခဲ့ရပါတယ်။ လုပ်ငန်းမ၀င်ခင်ကတည်းက ဝေဖန်, ရှုတ်ချ, ကန့်ကွက်တဲ့ အဖွဲ့အစည်းအချို့၊ ပုဂ္ဂိုလ်အချို့ရဲ့ စွပ်စွဲပုတ်ခတ်ပြောဆိုချက်တွေ, ထိုးနှက်ချက်တွေကိုလည်း စိတ်ရှည်၊ ဇွဲသန်ပြီး သည်းခံခဲ့ရပါတယ်။ ဘယ်လိုပဲဖြစ်နေနေ တိုင်းပြည်အတွက် တကယ်လိုအပ်တဲ့ ဒီဥပဒေပြီးမြောက်အောင်ရေးဆွဲခဲ့လို့ ဥပဒေ အသက်ဝင်လာတဲ့အခါမှာ တန်ဖိုးသိသူတွေအတွက် တန်ဖိုးရှိတဲ့ ဥပဒေဆိုတာ လက်ခံလာလိမ့်မယ်လို့ ခံယူပြီးချီးမွမ်းခြင်း, ကဲ့ရဲ့ခြင်းတွေကြားထဲမှ ဖြစ်မြောက်အောင် ကြိုးစားခဲ့ရတာပါ။

တစ်ခါ ဒီဥပဒေကြမ်းကို ပညာရှင်များက ရေးဆွဲပြီးတဲ့အချိန်မှာ ဒီဥပဒေနမူနာကို တင်ပြပြီး ပြည်သူ့လွှတ်တော် ဥပဒေကြမ်းရေးဆွဲရေး ကော်မတီကရေးဆွဲပေးဖို့ရန် အဆိုပြုလွှာတင်သွင်းဖို့ရန်အတွက် ပါတီတွေ, လွှတ်တော်ကိုယ်စား လှယ်တွေကို တင်ပြပြီး ပြည်သူ့လွှတ်တော်ကို တင်နိုင်ရေးကြိုးစားပြန်တာ့လည်း တော်တော့်ကို ခက်ခက်ခဲခဲ ကြိုးစားခဲ့ရပါတယ်။ နောက်ဆုံးမှာတော့ အမျိုး, ဘာသာ, သာသနာစောင့်ရှောက်ရေးအဖွဲ့ဝင် လူပုဂ္ဂိုလ်များ၏ လေးသန်းကျော်၊ ငါးသန်းခန့်ရှိ ထောက်ခံလက်မှတ်များကို ရအောင်ယူပြီး လွှတ်တော်ကိုတင်သွင်းပေးဖို့ရန်အတွက် နိုင်ငံတော်သမ္မတကြီးထံကို ဆရာတော်ကိုယ်တိုင် မေတ္တာရပ်ခံ အကူအညီတောင်းခံခဲ့တာပါ။
သမ္မတကြီးကလည်း ဥပဒေအကြံပေးများနဲ့ အတူဖတ်ရှုပြီး ဒီဥပဒေဟာ မည်သည့်ဘာသာ, လူမျိုး, ပုဂ္ဂိုလ်ကိုမျှ ထိခိုက်ခြင်းမရှိဘဲ နိုင်ငံတွင်းမှာရှိကြတဲ့ ဘာသာပေါင်းစုံ၊ လူမျိုးပေါင်းစုံ ငြိမ်းချမ်းစွာအတူနေထိုင်ရေးအတွက် တကယ်လိုအပ် တဲ့ ဥပဒေဖြစ်တယ်ဆိုတာကို သဘောပေါက်ပြီး “ဆရာတော် ဒီဥပဒေဟာ တပည့်တော်တို့နိုင်ငံအတွက် တကယ်လိုအပ်ပါတယ်။ ဆရာတော်တို့ရဲ့ စေတနာ, မေတ္တာနဲ့ ဆောင်ရွက်နေတဲ့ ဒီကိစ္စကို သမ္မတရုံးကနေ လွှတ်တော်ကို ရောက်အောင်တော့ တပည့်တော် ကူညီဆောင်ရွက်ပေးပါမယ်ဘုရား၊ သို့သော် ဒီအဆိုပြုလွှာကို လက်ခံမှု, လက်မခံမှုစတဲ့ ရှေ့ဆက်လုပ်ရမယ့် လုပ်ငန်းများကတော့ တပည့်တော်နဲ့ မဆိုင်ပါဘုရား။ ပြည်သူ့လွှတ်တော်နဲ့သာ ဆိုင်ပါသည်ဘုရား။ ဒါကြောင့် တပည့်တော် ကူညီဆောင်ရွက်ပေးနိုင်သည့် အပိုင်းကိုတော့ ကူညီဆောင်ရွက်ပေးပါမယ်ဘုရား” လို့ ပြန်လည် အကြောင်းပြန်ပြီး ပြည်သူ့လွှတ်တော်ကို တင်သွင်းပေးခဲ့လို့သာ ဒီကနေ့, ဒီအချိန်မှာ, ဒီဥပဒေပေါ်ပေါက်ခဲ့တာ ဖြစ်ပါတယ်။
ဆရာတော်ပြောချင်တာက ဒီအမျိုးစောင့်ဥပဒေကြီး ပေါ်ပေါက်လာခြင်းဟာ ဆရာတော်တို့က မေတ္တာရပ်ခံတယ်။ သမ္မတကြီးက ဒီမေတ္တာရပ်ခံချက်ကို လက်ခံပြီး ပြည်သူ့လွှတ်တော်ကို ပို့ပေးတယ်။ ဒီလောက်ပါဘဲ။ ဒီဥပဒေကို ဆရာတော်တို့ မဘသရဟန်းပုဂ္ဂိုလ်၊ လူပုဂ္ဂိုလ် ပညာရှင်များက ရေးဆွဲခဲ့တာ မဟုတ်ပါဘူး။ ပြည်သူ့လွှတ်တော်ရဲ့ လုပ်ထုံး လုပ်နည်းနဲ့အညီ ပြည်သူ့လွှတ်တော် ကိုယ်စားလှယ်များ၊ ဥပဒေပညာရှင်များက လုပ်ထုံးလုပ်နည်းနဲ့အညီ ရေးဆွဲပြီး ဖြစ်ပေါ် လာတဲ့ ဥပဒေဆိုတာကို နားလည်စေချင်ပါတယ်။ သိစေချင်ပါတယ်။ တချို့က ဒီဥပဒေဟာ မဘသအဖွဲ့ကြီးကဘဲ ရေးဆွဲပြီး တော့ ထုတ်ပြန်ထားသလိုမျိုးအထိ ထင်မှတ်နေကြတာ၊ ပြောဆိုနေကြတာကို ကြားနေရလို့ ဆရာတော်ထည့်ပြောပြတာပါ။ အခုအမျိုးစောင့်ဥပဒေလေးရပ်ကို သမ္မတကြီးလက်မှတ်ရေးထိုးပြီးတာလည်း အားလုံးအသိပါပဲ။ ဥပဒေရဲ့လိုရင်းအချက် အကျဉ်းချုပ်များကိုလည်း ပန်းဖလက်များရိုက်နှိပ်ပြီး ဝေငှပေးထားပါတယ်။
သေချာဖတ်ကြည့်ကြပါ။ နားမလည်ရင် အကြိမ်ကြိမ် အခါခါ ဆက်ဖတ်ကြည့်ကြပါ။ ဆရာတော်ကိုယ်တိုင် အကြိမ်ကြိမ် အခါခါဖတ်ပြီး နားလည်အောင်ကြိုးစားခဲ့ပါတယ်။ ရဲရဲကြီးအာမခံရဲတာကတော့ ဒီဥပဒေဟာ ပုဂ္ဂိုလ်တစ် ယောက်, အဖွဲ့အစည်းတစ်ခု, ဘာသာတစ်ခုကို ထိခိုက်နစ်နာစေမှုလုံးဝမရှိဘဲ ဆရာတော်အပါအ၀င် မြန်မာနိုင်ငံတွင်းမှာ နေကြတဲ့ ပြည်သူပြည်သားအားလုံး တကယ်လိုက်နာရင် တကယ်ကိုမျှတတဲ့ ဥပဒေအောက်မှာ လူမျိုးရေး, ဘာသာရေး အခြေခံပြီးဖြစ်တဲ့ ပြဿနာများ အလွန်နည်းပါးပြီး ညီညီညွတ်ညွတ် ငြိမ်းငြိမ်းချမ်းချမ်း နေထိုင်ခွင့်ရမဲ့ ဥပဒေဆိုတာ ဆရာတော်တို့ အာမခံရဲပါတယ်။
ဥပဒေကို သေချာမဖတ်ဘဲ ဒါမှမဟုတ်ရင် အားလုံးနဲ့လိုက်လျောညီထွေမှုကို မရှေးရှုဘဲ မိမိရဲ့အတ္တ ခံစားချက်တစ်ခု တည်းကိုသာကြည့်တဲ့ အချို့ပုဂ္ဂိုလ်များအတွက်တော့လည်း ကြိုက်ချင်မှကြိုက်နိုင်ပါလိမ့်မယ်။ မရှင်းလင်းတဲ့အချက် အလက် များ ရှိရင်လည်းပဲ မည်သူမဆို ဒီအခမ်းအနားကြီးအတွင်းမှာ မေးနိုင်ဖို့ရန် စီစဉ်ပေးထားပါတယ်။ ပြည်ပကမေးလိုလျှင်တောင် တယ်လီဖုန်းနဲ့မေးလို့ရအောင်အထိ စီစဉ်ပေးထားပါတယ်။ ဒီအခမ်းအနားအတွင်းမှာ အချိန်ရသလောက် ဖြေပေးမှာဖြစ်ပြီး ကျန်မေးခွန်းကိုတော့ အသံလွှင့်ဌာန၊ ရုပ်သံဌာနများကို မေတ္တာရပ်ခံ အကူအညီတောင်းခံပြီး ဖြေကြားပေးဖို့ စီစဉ်ပေးပါမယ်။
ဆရာတော်နောက်ဆုံးပြောချင်တာက မဘသအဖွဲ့ကြီးဟာ အမျိုးစောင့်ဥပဒေပေါ်ပေါက်ရေး တစ်ခုတည်းအတွက် ကိုသာ တစ်စိုက်မတ်မတ် ကြိုးစားဆောင်ရွက်လာခဲ့တာဖြစ်ပြီး မည်သည့်ပုဂ္ဂိုလ်၊ မည်သည့်အဖွဲ့အစည်း၊ မည်သည့်ပါတီ အတွက်မျှ လုပ်ဆောင်နေခြင်းမဟုတ်ဘူးဆိုတာကို နားရှင်းလောက်ပြီထင်ပါတယ်။ ဥပဒေရေးဆွဲမှု မပြီးသေခင်မှာ အစိုးရပိုင်း လူကြီးမင်းများနှင့် မေးမြန်ပြောဆိုဆွေးနွေး ကြရတာတွေတော့ရှိပါတယ်။ ဒါကတော့ ဘယ်အစိုးရမျိုးပဲဖြစ်ဖြစ် ဆရာတော်တို့အဖွဲ့ကတော့ မပတ်သက်လို့ကို မရဘူးဆိုတာ နားလည်ပေးရမှာ ဖြစ်ပါတယ်။
ယခုတော့ အမျိုးစောင့်ဥပဒေပေါ်ပေါက်လာပါပြီ။ ကြိုးစားရကျိုးနပ်ခဲ့ပါပြီ။ ဤသို့ ပေါ်ပေါက်လာရခြင်းမှာလည်း ရဟန်း, ရှင်, လူ, ပြည်သူများ၏ တောင်းဆိုမှု၊ ဥပဒေပညာရှင်များ၏ ကူညီမှု၊ သမ္မတကြီးအပါအ၀င် လွှတ်တော်သုံးရပ် ကိုယ်စားလှယ်တော်များ၏ ထောက်ခံအတည်ပြုပေးမှု - စသည်တို့ကြောင့် ပေါ်ပေါက်လာရခြင်း ဖြစ်ပါတယ်။ အဆိုပါ တာဝန်ရှိသူအားလုံးကို အထူးကျေးဇူးတင်ရှိကြောင်းလည်း ပြောကြားပါတယ်။

အမျိုးစောင့်ဥပဒေ ပေါ်ပေါက်လာခြင်းသည် ဘာသာပေါင်းစုံ, လူမျိုးပေါင်းစုံရှိနေသည့် မြန်မာလူ့ဘောင် အဖွဲ့အစည်းကြီးအတွက် အခြားဘာသာများနှင့် တန်းတူညီမျှ လူ့အခွင့်အရေးကို အကောင်အထည်ဖော် ရယူခြင်းဖြစ်၍ ညီညွတ်မျှတ ငြိမ်းချမ်းမှုကိုဖော်ဆောင်ပေးခြင်းပင်ဖြစ်ကြောင်း ပြောကြားလိုပါတယ်။ ပြည်ထောင်စု မြန်မာနိုင်ငံတော်အတွင်း ၌ တိုင်းရင်းသားပေါင်းစုံ, ဘာသာပေါင်းစုံ, လူမျိုးပေါင်းစုံ နေထိုင်ကြသဖြင့် ပြည်ထောင်စုမြန်မာနိုင်ငံအတွင်း မှီတင်း နေထိုင်သူအားလုံးသည် ညီညွတ်ဖို့လိုနေပေပြီ။ ညီညာမှပြည်သာမည် ဖြစ်ပါတယ်။ အတိတ်က မတူကွဲလွဲတာတွေ ထားခဲ့ ကြပြီး ယနေ့အချိန်ကစ၍ ဆရာဇော်ဂျီ ပြည်ောင်စုကဗျာ၌ လမ်းညွှန်ခဲ့သော -
(ငါ့ညီပြောင်ဝင်း၊ မောင်သစ်ဆင်း၊ မင်းနှင့် ကချင်နှင့်၊ ချင်းနှင့် ကယားနှင့်၊
ရှမ်းနှင့် ရခိုင်နှင့်၊ မွန်နှင့် ကရင်နှင့်၊ သင့်သင့်မြတ်မြတ်၊ အနေတတ်လျှင်၊ နတ်ပြည်နှိုင်းတု၊ ပြည်ထောင်စုဟု၊)
ကဗျာအတိုင်း ပြည်ထောင်စုသားအချင်းချင်း လူမျိုးအချင်းချင်း ဘာသာအချင်းချင်း သင့်သင့်မြတ်မြတ် အနေတတ်လျှင် နတ်ပြည်နှင့်တောင် တုပလို့ရအောင် နှိုင်းစာလို့ရအောင် ချမ်းသာသုခပြည့်ဝသည့် နိုင်ငံတော်ကြီး ဖြစ်နိုင်ပါတယ်။ ထိုသို့ဖြစ်အောင် ညီညွတ်ကြပါ။ ငြိမ်းချမ်းကြပါဟု တိုက်တွန်းရင်း ဆရာတော်၏ အဖွင့်သြ၀ါဒစကားကို အဆုံးသတ်အပ်ပါတယ်။

အားလုံး အမိမြန်မာနိုင်ငံတော်ကြီးကိုလည်း ဘက်ပေါင်းစုံမှ တိုးတက်အောင် ဆောင်ရွက်နိုင်ကြပါစေ၊
အမျိုး ဘာသာ သာသနာကိုလည်း တိုးတက်ပြန့်ပွားအောင် စောင့်ရှောက်နိုင်သူများ ဖြစ်ကြပါစေ၊

အမျိုးစောင့်ဥပဒေ မပျက်စီးအောင် တည်တံ့အောင် စောင့်ရှောက်နိုင်ကြပါစေ။ 
အမျိုး ဘာသာ သာသနာ ဖျက်မည့်သူများနှင့် အမျိုးစောင့်ဥပဒေ ဖျက်မည့်သူများကိုလည်း ရှောင်ရှားနိုင်ကြပါစေ။ 
အားလုံးကိုလည်း ကျေးဇူးတင်စွာဖြင့် သာဓုအကြိမ်ကြိမ် ခေါ်အပ်ပါသတည်း။

ဘဒ္ဒန္တတိလောကာဘိဝံသ
ဥက္ကဋ္ဌ၊ မဘသအဖွဲ့ (ဗဟို)
အဂ္ဂမဟာပဏ္ဍိတ၊ နိုင်ငံတော်သြ၀ါဒါစရိယ
ရွာမပရိယတ္တိစာသင်တိုက်၊ အင်းစိန်။Arkar